Akerliussutsimik takutitsisut Tysklandimi aamarsuarsiorfimmut pisut

Silap pissuata allangoriartornera piaartumik iliuuseqarfigeqqullugu akerliussutsimik takutitsisut 8000-t missaanniittut arfininngornermi Tysklandip aamarsuarsiorfianukarput.
Assi © : Marcel Kusch / AFP / Ritzau Scanpix
Allattoq Ritzau
juunip 23-at 2019 16:39

Silap pissusaa pillugu Tysklandimi akerliussutsimik takutitsisut hundredilikkaat politiit killigititatut assiaqusiaat qaangiinnarlugu aamarsuarsiorfiup annersaanut arfininngornermi pipput.

Silap pissusiata allanngoriartornera pilertortumik qisuariarfigineqarnissaa akerliussutsimik takutitsisunit siunertarineqarpoq. Silap pissusia 2050-imi ajoqusersunngilluinnarnissaanik tunngasumik EU saqqummiussereersorlu akerliussutsimik takutitsineq aallartippoq.

Aamarsuarsiorfissuup isumannaatsuunnginnera pillugu politiit akerliussutsimik takutitsisunut mianersoqqusigaluartut soqutigineqanngillat.

Aamma nukissiuuteqarnermi suliffiulitilik RWE akerliussutsimik takutitsisut tamakkerlugit suliassanngortinniarlugit siorasaaraluarpai.

Tysklandip kippasissuani piiaaffiup allilerneqarnissaa RWE-mit pilersaarutigineqalermat akerliusut malunnartitsilerput.

Akerliussutsimik takutitsisut ilaatigut qimuttuitsut piiaaffimmiit assartuisartut aqqutaanik assersuipput.

Akerliussutsimik takutitsisut arfininngornermi 8000-t missaannuuttut peqataaapput.

/ritzau/AP