Air Greenlandip Dash 7-iutaa kingulleq tunineqarpoq
Air Greenlandip timmisartuutaanik Dash 7-imik nunatsinni timmisartuussineq kingulleq septembarip 29-anni pissaaq.
Air Greenlandip timmisartuutini Dash 7-it tunineqarnissaannik ukiup aallartinnerani isumaqatigiissuteqarnermut atatillugu Canadamiut timmisartuutileqatigiiffiannut Trans Capital Airimut tunivai.
Aamma atuaruk Air Greenland DASH-7-eeruppoq
Dash 7-imik inuulluaqqusinissaq tussunngunalaanngitsussannngilaq.
- Timmisartunik suluusalinnik Kalaallit Nunaanni ilaasunik angallassinerup siuarsarneqarneranut Dash 7-it peqataalluinnarput, Dash 7-illu patajaatsuullutillu allanngujuitsuunertik aamma 1979-imiilli ilisimaneqaatigileriartorlugu. Dash 7-ip nuannarineqarluarneranik tamanna kinguneqarpoq - suliffeqarfitsinni kisimi pinnanni - aammali inuiaqatigiit akornanni. Taamaattumik Dash 7-inik inuulluaqqusinerput tussunngunalaanngitsunngilaq, Air Greenlandip pisortaanera Michael Højgaard, Air Greenlandip nittartagaani taama issuarneqarpoq.
Air Greenlandip nunatsinni suluusalinnik timmisartuussinermini nutarterinissaminik siunniussaanut atatillugu, siunissami timmisartut Dash 8-t kisimik atorneqassapput.
