Air Greenland: Sullissinermut isumaqatigiissutit aningaasartai ikippallaarput
Arctic Wonderland Toursimeersoq Yew Lin Tay isumaqarpoq Ammassallip eqqaani ataasiinnarmik qulimiguulimmik angallassisoqarnerata takornariaqartitsineq ajalusooqqagaa. Angallassineq naammanngereeqisoq Ammassaliup eqqaani angalaartitsinernut killiliisuuvNaalli takornariartitsisut takornariallu taama isumaqartaraluartut, takornariat Islandikkoorlutik tikittut tunumi angalanissaminnut periarfissaqartannginnerat, Air Greenlandip pisuussutigiumanngilaa.
Timmisartuussileqatigiiffiup erseqqissarpaa, Namminersorlutik Oqartussanut sullissinermik isumaqatigiissutaasumi aningaasat killeqarnerat pissutaalluni qulimiguullip aappernissanut akissaqartinneqanngilaq.
Air Greenlandip Namminersorlutillu Oqartussat akornanni sullissinermut isumaqatigiissut maannakkut atuuttoq 2012-ip naanissaanut atuuppoq.