Erik Jensen: Air Greenland taartumi timmisartuussisarneq pillugu isertuussaqanngilaq

Apeqqutit tallimat. Apeqqutillu tunngavianut taammaattoqannginneragaanerit tallimat. Tassa Jess Svane-p attaveqaqatigiinnermut naalakkersuisumut Erik Jensenimut saaffiginnissutaasa killiffii.

Taartumi timmisartuussisarneq pillugu maleruagassat nutaat, Avannaani qulimiguulimmik anagllannermut sunniuteqartussat eqqarsaatigalugit Svane arlalinnik paasisaqarusuppoq. Pingaartumik Air Greenland paasissutissanik innuttaasunut isertuussaqarsimanersoq.

- Taartumi timmisartuussisarnermut akuersissummik arsaagaanissaq pillugu Air Greenland siusinnerusukkut nalunaarfigineqarsimappat taamaalillunilu ilisimasanik isertuussaqarluni, taavalu qulequtaq pillugu nittartakkatigut inuit naapittarfiini oqalllilernissaat utaqqissallugu ilumoorsinnaava?, paragraf 37 tunngavigalugu apeqquteqaammini Jess Svane ilaatigut aperivoq.

AAMMA ATUARUK Avannaani qulimiguulimmik timmisartuussinerit allannguuteqartut

Kisiannili tamanna piviusunut naapertuutinngilaq, Erik Jensen oqarpoq:

- Taamatut pasinninneq eqqunngilaq – Air Greenland qangaluunniit isertussaaqarnikuunngilq. Suliassaq susassaqartunit tamanit oqaluuserineqareerpoq aammalu ajornartorsiutaasup suunerata paasineqarnerata kingorna tusagassiisarfinnut nalunaaruteqartoqarluni, Naalakkersuisoq Erik Jensen akivoq.

Tassalu Jess Svane-p Naalakkersuisunut saaffiginnissutaani apeqqutaasut tallimat tamakkerlugit assingusumik ingerlasoqarpoq.

Erik Jensenip ilanngullugu ilimatitsissutigaa, Air Greenlandip timmisartuussisarnissamik pilersaarutaani allannguutit, taartumi timmisartuussisarneq pillugu maleruagassat nutaat, Naalakkersuisunit akuersissutigineqartut, tunngavigalugit suliarineqartut.

AAMMA ATUARUK Annaassiniarnerit taartumi angalaqqusaannginnermit sunnerneqassanngitsut