Agnethe Nielsen toquvoq
Simon Simonsen, borgmester, Kommune Kujalleq ima allappoq:
"Qanga Narsap Kommuniani ukiorpassuarni kommunalbestyrelsimut ilaasortaasimasoq, borgmesteri Inatsisartunilu ilaasortaasimasoq kræftillu akiorniarneqarnerani peqatigiiffimmik ”Neriuffik”-mik pilersitsisimasoq sivisuumik napparsimareerluni Narsap napparsimaviani toquvoq.
Inuiaqatigiinnilu sanngiinnerusutut inissisimasut arnallu pitsaanerusumik atugaqalernissaat pillugu pimoorussilluni, silassorilluni pikkorillunilu Atassummi naalakkersuinermik ingerlassalittut sulisimasutut ilisimasarivarput. Inunnik ikiuisarneq Agnethe Nielsenip immikkut soqutigisarigamiuk 1960-ikkut qiteqqunneranni Kalaallit Nunaanni Inunnik ikiuisarnermut inatsisiliornermi siunnersortaavoq.
Ulluinnarni inuit atugaannik sullissinermigut nalakkersuinermut pimoorussilluni Agnethe Nielsen sulinissaminut iseriartuaarsimavoq taamaattumillu 1959-imiit kommunimut qinersineqarnernut tamanut qinigas-sanngortittarpoq tamatigullu qinigaasarluni 1989-imi naalakkersuinermi sulinermit tunuarnissi tikillugu, tassa Narsap kommunalbestyrelsiani ukiut 33-it atuutereerluni.
Kalaallit Nunaata inatsisartuini arnat qinigaallutik issiasimasut ikittut Agnethe Nielsen ilagaat Narsamilu naalakkersuinermi sulialittut qaqutigoortumik sivisussusilimmik sulilluartuusimavoq. Ukiorpassuarni suli-nermini innuttaaqatimi inuuniarnerminni isumalluuteqarlutik inuunissaata ineriartortinneqarnissaa tunaartariuarsimavaa.
Aamma suliat allat Agnethe Nielsenip suliarisimavai, ilaatigut SIK (Kalaallit Nunaanni Sulisartut Kattuffiat) sulisut kattuffiisa annersaat. 1968-imiit 1975-imut Narsami SIK-mi siulersuisunut ilaasortaavoq isumaqa-tigiinniarnernilu nutserisut allaffimmiullu sinnerlugit peqataasarluni. Narsami SIK-mi ataqqinaammik ilaasortaavoq.
1986-mi borgmesteritut tunuarnermi kingorna kommunimi ataatsimiititaliani marlussunni utoqqaallu peqa-tigiiffianni ilaasortaasarpoq.
Aammattaaq 1972-imiit 1989-imut Kalaallit Nunaanni Kommunit Kattuffianni (KANUKOKA) siulersuisunut ilaasortaavoq, Atugagdliutut/Grønlandspostenip siulersuisuini siulittaasumut tullersortaalluni.
Agnethe Nielsen 1989-imi Kalaallit Nunaanni Namminersornerullutik Oqartussaat saqqarmiuliuttagaannik Nersornaammik sølviusumik saqqarmiulerneqarpoq, 1982-imi ridder af Dannebrogordenimik saqqarmiulerneqarluni 1997-imilu ridder af 1. Gradimik saqqarmiuligaalluni.
Agnethe Nielsen 85-inik ukioqalerpoq qimataraalu qitornani pingasut.
Agnethe Nielsenip eqqaaneqarnera ataqqinartuuli."
