Peqqinnissaqarfimmi peqqissaasunik amigaateqarneq anigorniarlugu peqqissaasunik sulisussarsiornikkut Skandinaviami nunat saaffigineqarsinnaanerat, Agathe Fontainip oqaatigaa.
- Takorloorpara Islandimut isumaqatigiinniarnerit qanittukkut aallartikkusullugit, attaviginiarpakka suleqatigiinnissaq qaninnerusoq annertunerusorlu tassuunakkut angorusullugu, Agathe Fontain oqarpoq, nangipporlu:
- Islandimiut massakkut inissisimanerat, soorlu qineqqusaarnitsinni oqaatigigivut, siffialuttut seeqquluttullu ullumikkuminngaaniit akikinnerusumik suliaritittarsinnaanerat anguniarlugu oqaloqatigiumassavavut.
Dronning Ingridip napparsimmavissuani sinerissamilu peqqissaasunik amigaateqarneq tusartualerparput, taakku aamma suliassavit imaannaanngitsut ilaginnguatsiarpaat?
- Taakku aamma pingaartorujussuupput, sulisoqarnermut tunngatillugu taakku salliusussaapput, aamma peqqissaasussarsiorluta Skandinaviami nunat allat saaffigisinnaagatsigik, Peqqissutsimut naalakkersuisunngortussaq Agathe Fontain oqarpoq.