WWF: Upernaakkut appanniarsinnaalernissaq isumassaqanngilluinnarpoq
![](/sites/default/files/styles/image_934x467/public/article_images/lomvier_appat_foto_blake_matheson_flickr.jpg?itok=P3RzKzBm)
- Upernaamut piniarsinnaatitaaffinnik nutaanik pilersuineq ernuttatta timmissanik kusanarluinnartunik takusaqannginnissaannik nerisaqannginnissaannillu kissaateqanngikkutta isumassaqanngilluinnarpoq, pinngortitaq pillugu nunarsuaq tamakkerlugu suliniaqatigiiffiup Nuummi immikkoortoqarfianit Kaare Winther Hansen oqarpoq.
- Taamaammat Naalakkersuisut aalajangiinerminnik allanngortitsinissaat sakkortunerpaamik kaammattuutigaarput. Tamannalu qujanartumik suli angumerineqarsinnaasoq, Kaare Winther Hansen oqarpoq, ilanngullugulu Qaanaami appaat kisimik aalajaatsuusut upernaamilu piniarneqarsinnaalluartuunerat oqaatigaa.
Nunap sinnerani appaqarfinni appat nunngussinnaanerat ikilisinnaaneriluunniit aarlerigineqarput.
- Upernaami appanniarneq immikkut aarlerinarnerinarpoq tassami nunatsinni appaat piaqqiorfiisa naligaat piaqqiornissamullu periarfissaqarneq ajorput. Taamaalilluni nunatsinni appaat piaqqiortut ajalasoorsinnaapput, Kaare Winther Hansen oqarpoq.
- Taamaammat politikerit suliami uani isumatusaartariaqarput, Kaare Winther Hansen naggasiilluni oqarpoq.