Aatsitassat qaqutigoortut naalagaaffeqatigiit akisussaaffigaat
- Kunngeqarfiup Danmark-ip nunanut allanut isumannaallisaarnermullu politikkianut pingaaruteqarsinnaavoq. Taamallillutillu aatsitassat qaqutigoortut assigiinngitsutigut pineqartillugit naalagaaffeqatigiinnermut tunngasuteqarput, Villy Søvndahl ullupqeqqata Ilisimatusarfimmi siorna oqarpoq.
Nunarsuarmi aatsitassat qaqutigoortut, pingaaruteqartutut inissisimasut, tunisassiarineqartartut 90 procentiisa 95 procentiisa akornaniittut Kina-mi maannakkut tunisasassiarineqarput.
- Taamaammat Kinamiut aatsitassat qautigoortut pineqartillugit nukittoorsuartut inissisimapput. Atortorissaarutillu pingaaruteqartut tunisassiarineqarneranni aatsitassat qaqutigoortut aalajangiisuuulluinnarmata taamaattoqarnera pitsaasuungilaq. Assersuutigalugu ulluinarni atugaraagut, tassalu oqarasuaatini angallattakkani qarasaasianilu atorneqartarput, aammalu qaammataasani radar-ini silaannakkullu angallatinik atorneqartaramik, nunanut allanut ministeri oqarpoq.
Kuupik V. Kleistilu isumaqataavoq, aatsitassat takkorpiaat mianersortumik sammineqartariaqartut, tamannalu Danmark isumaqatigalugu pisariaqartoq:
- Soorunami aatsitassanut tunngasut tamakkiisumik tigoreeraluarutsigilluunniit, Kunngeqarfiup Danmarkip innarligassaannginera aamma eqqaamasariaqarparput, Kuupik V. Kleist oqarpoq.
- Taamammat Villy isumaqatigaara oqarmat oqaloqatigittarnissaq pisariaqartikkipput - immaqa allaat maannakkornit annerusumik, Kuupik V.Kleist Ilisimatusarfimmi oqalugiaqatigiinermi qallunaatut ingerlanneqartumi oqarpoq.