Aatsitassarsiorfiutileqatigiit Energy Transition Minerals nunatta kujataani Kuannersuarni aatsitassanik piiaanissamut itigartinneqarami suliassanngortitsinialersaartoq, aatsitassarsiutileqatigiiffik tusagassiutinut allagaqarpoq.

Australiamiut aatsitassarsiutileqatigiiffiat Kuannersuarni aatsitassanik qaqutigoortunik elektronikkimi atorneqarsinnaasunik, Uranimik aammalu zinkimik piiaanissamik siunertaqartumik pilersaaraluarpoq.

2021-mili qinersisoqarnerani Kuannersuarmut suliniut tunuartinneqarpoq matumani ilaatigut Inuit ataqatigiit tamatuminnga sakkortuumik illuatungiliimmat.

Australiamiut qinnuteqaataat suli Inatsisartut nerrivianniippoq

Kuannersuarni aatsitassarsiornissamut suliniummut itigartitsissut sukkasoorujussuarmik aalajangernertut ippoq. Juulimi siorna nunatsinni oqartussat aalajangernermut allaqqaakkamik (allanngortinneqarsinnaasumik) nassiussipput, matumani erseqqissaatigineqarluni suliut itigiartitsissutigineqartoq. 

Inatsisartut amerlanerussuteqarlutik aatsitassanik piiaasoqannginnissaanik taamani aalajangerput.

- Kalaallit oqartussaasuisa qinnuteqaatitsinnik itigartitsillutik aalajangernerat qamanngavik pakatsissutigaarput, maannalu tamanna pillugu suliassanngortitsisariaqalerpugut, Energy Transition Minerals taama nutaarsiassaqartitsivimmi ritzaumi issuarneqarput.

Aatsisatassarsiutileqatigiiffiup suliassanngortitsinini juulimi naammassissagaa tusarfiit allapput.

Nalunaarummi aamma allassimasoqarpoq, Energy Transition Minerals qinnuteqaammik allamik nunatsinni oqartussanut aamma nassitseqqissimasut. 

Taakku aatsitassanik qaqutigoortunik zinkimik aammalu flouritimik piiaanissamik qinnuteqarsimapput. Uranili piianngikkaluarlugu paaqqutarineqarallartussatut isigineqassasoq.

Energy Transition Minerals aamma allappooq, qinnuteqaatertik aalluteqqissagitsik

/ritzau/