Australiamiut aatsitassarsiutileqatigiiffiat naalakkersuisut itigartippaat
Naalakkersuisut ullumi tamanut saqqummiipput, Aatsitassanut inatsiseqarnermullu naalakkersuisoqarfiup Greenland Minerals A/S-p Kuannersuarni aatsitassanik piiaanissamut qinnuteqaataa itigartikkaa.
Naak aamma maajip qeqqata missaani Greenland Minerals kalaallit oqartussaasuinut siorasaarigaluartoq aatsitassanik qaqutigoortunik Kuannersuup qaqqaaneersunik piiaanissamut isumaqatigiissutip atorunnaarsinneqarnera pillugu aningaasarpassuarnik milliartilikkaanik taarsiffigineqassallutik. Kammeradvokatip naliliinera naapertorlugu taamaattoqassagaluarpat nunap karsianut milliarterpassuit sinnerujussuarlugit naleqarsinnaasumik.
Uranip akui qinngornernik navianartunik akullit oqallisaasarsimaqaat tamanna pinngortitamut, uumasunut inunnullu navianaateqarsinnaasutut isigineqarmat.
Ingerlatseqatigiiffiup Energy Transition Mineralsip manna tikillugu misissuinissamut aningaasat milliartilikkaat atoreersimalerpai.
Energy Transition Mineralsimi 2007-mi Danmarkimiit nunatsinniillu Kuannersuarni aatsitassaqaratarsinnaaneranik misissuinissaminik akuerineqarnikuuvoq.
