Aatsitassarsiorneq pillugu ataatsimeersuarneq neriulluarnartoqartoq

Piiaaneq aatsitassarsiornerlu pillugit nunarsuarmi ataatsimeersuarnermi annerpaami, PDAC-mi, Torontomi pisussami, kalaallinit aatsaat taama amerlatigisunik peqataasoqartoq, KNR-ip tallimanngormat oqaluttuaraa.
Allattoq Inge S. Rasmussen
marsip 03-at 2018 16:33
Nutserisoq Mads Lynge

Kalaallit PDAC-mut amerlasuunik peqataatitaqarnerat aningaasaliisartut nunatsinnut soqutiginnilersinnissaannut neriuuteqartitsivoq.

Peqataasut ilaat, ilaatigut North American Nickelimut nikkelinik aatsitassanillu allanik Maniitsup eqqaani ujaasisumut sullississussisumi Xploration Servicesimi pisortaq, Bent O. Jensen taama naliliivoq.

AAMMA ATUARUK Nunatta aatsitassarsiorneq akuuffigerusukkaa

Bent O. Jensen piiaaviit ammuinnaq 2012-imi ingerlalerneraniili PDAC-miilerpoq. 

Neriulluartut

Siornali 2017-imi neriulluarniartoqartoq malugineqarsinnaavoq, ukioq mannalu neriulluarnerup suli attassimanera takutinneqassasoq, Bent O. Jensen oqarpoq.

- Suliffeqarfiit piffissami aggersumi neriuuteqarnerusut malugigaanni taava nunatsinni tamanna aamma taamaappoq: Nunarsuarmi tamarmi pilersaaruteqarpat taava nunatsinnut tamatuma pinissaanik periarfissaqarpoq. 

AAMMA ATUARUK Nunani allani misilittakkat Nunatsinni iluaqutigineqarsinnaasut

Kalaallit peqataasut amerlanerisa takutippaat nunatsinni suliffeqarfiit nunatsinni aatsitassarsiulernissamut piareersimasut.

- Taakkulu takutikkusuppaat kalaallit suliffeqarfiuterpassui misissuinermut atatillugu kiffartuussinissanut assigiinngitsorpassuarnik tapertaasinnaasut, Bent Olsvig Jensen oqarpoq.

Ataasinngorneq marsip tallimaani Danmarkip Torontomi generalkonsulaatia suleqatigalugu aaqqissuisoqassaaq taallugu ”Greenland Day”, taannalu naalakkersuisup Muté Bourup Egedep ammassavaa kingornatigullu nunatsinni aatsitassanik piiaanissamut periarfissarpassuit pillugit saqqummiussisoqaqattaassalluni.

Aamma atuaruk