Innaarsuit: Aatsaat taama portutigisumik takuvugut
Nunaqarfimmi aqutsisunut ilaasortaq Susanne K. Eliassen oqarpoq.
- Angisuunik iluliaqartarpugut, talittarput. Ilai ulorianartut ilai uloriananngitsut. Kisianni una Putoqarlunilu quppanillu ulikkaarluni portullunilu aatsaat taama portutigisumik takuvugut immaqa, taama oqaannaraanni.
Iluliarsuaq ippassaq Innaarsuit saavanut pisimagaluarpoq, iniminulli uteqqissimavoq.
- Ippassaq saatsinnut uteqqikkaluarami, kisianni illuani avannaatungitsinnut maanna peqqissimavoq. Uiarutingaatsialaarluni illut tunuannut, saarpiatsinniikkunnaarluni kisianni suli ulorianarluni.
Iluliarsuaq aseroraluarpat illut eqqorneqarsinnaasut najugaqartui nuutsinneqarallarsimapput. Taakku atuarfimmut, meeqqerivimmut illumilu sullivimmi unnuisinneqarlutik. Toqqissiimisoqarsimavoq sulili aarlerisoqarpoq.
- Aarlerineq malunnarpoq. Iluliarsuaqartaraluarluni aatsaat taama portutigisumik iluliaqaratta aarlerineq ersarippoq, Susanne K. Eliassen oqarpoq.