ASSIT Aasivittoqartaleqqinnissaa sulissutigerusukkaat
Narsap iluani Aasivissiorneq iluatsilluartoq, aaqqissuisup tulluusimaarutigalugu oqaatigaa.
- Aasiviup anersaava uummarissarneqaqqippoq, aasivittoqarnerani aaqqissuisoq oqarpoq.
- Aasiviup anersaava uummaqqippoq, neriuppungalu siunissamut ataavartussamik aallarteqqittoq, Aasivik 2016-imi aaqqissuisut siulittaasuat Ivalo Motzfeldt oqarpoq.
Ukiuni sisamani Aasiveqanngereerluni, Narsap iluani Aasiveqarmat inuit 2000-it tikillugit aqqusaarput toqqillu 72-it piffissap ilaani napparneqarsimallutik.
Aamma atuaruk Aasivik ammarneqarnerani sialuk
Oqallisigisassani qitiunerpaavoq Inuit Issittumi. Taannalu oqallisigineqarluartoq, aaqqissuisup oqaatigaa.
- Inuit najulaalerlugit malunnartarpoq qulequtarisarput tikeqqajaasaraat isummaminnillu annissuisarlutik. Tuperni malunnartarpoq oqallisigineqartartoq aamma, Ivalo Motzfeldt oqarpoq.
Aamma atuaruk Aasivik silagissuup ataani ammarneqarpoq
Aasiveqaqqinnissaanullu siulersuisussat toqqarneqareerput. Ukiut tamaasa Aasiveqartarnissaa anguniarlugu Aasiviup aningaasaateqarfianik pilersitsinissaq takorloorneqarpoq.
Aasivik 2017-ip Qaqortumiinnissaa maannakkuugallartoq siunniunneqarpoq, piviusunngortinnissaaalu isumannaarneqaleruttorpoq.
Aamma atuaruk Aasivik toqqissisimanartuussaaq
- Sinerissami Aasivitsitsiniarnermik aningaasannanniaqataasussanik peqatigiiffinnik pilersitsiortortussaassapput.
Aasivik 2016 132.000 koruuninik aningaasaliiffigineqarpoq, Tips & Lotto NunaFondenilu ilaatigut aningaasaliisuullutik. Aaqqissuussaq juulip ulluisa arfineq-aappaanni ammarnersiorneqareerluni juulip ulluisa 17-anni naggataarnersiorneqarpoq.