Politi: Aasianni aallaasersortoqareernerani inuk ataaseq tigusarineqartoq
Inuk ataaseq aalakoortoq igalaakkut aallaasersortoq Aasianni politiinit tallimanngornermi unnukkut tigusarineqarpoq. Inuk pineqartoq marloriarluni seqqorsimavoq.
Aallaasersortoqarnera politiinut tallimanngornermi unnukkut nalunaaqutaq arfineq-pingasunut qaleriinnerata missaani kalerriutigineqarpoq. Politiit ornigupput angullu tassani tigusaralugu.
Kalaallit Nunaanni Politiit pigaartuisa pisortaat Jeppe Andsager KNR-imut taama ilisimatitsivoq. Aallaasersortoqarnerani inuit ulorianartorsiortinneqarsimanngitsut taassuma erseqqissaatigaa:
- Inunnik ulorianartorsiortoqanngilaq, ajoqusertoqanngilarlu, Jeppe Andsager oqarpoq.
Angut killisiorneqarlunilu unnerluutigineqassasoq pigaartut pisortaata aamma oqaatigaa, pineqartullu iperagaanissaa ilimagalugu.
Sakkut angutip najugaqarfiani nassaarineqartut aamma arsaarinnissutigineqarput.
