Aasiaat Midnight Sun Marathon Aasiammiuinnaat eqqamiuinnaasalu arpaffigissagaat

Aasiaat Midnight Sun Marathon 27-ssaa pisussaq avataaniit peqataasoqarfiussanngilaq.

Nalunaarut nutaaq marlunnermi atuutilermat arpannermik aaqqissuisut sisamanngornermi unnukkut ajornartorsiulernermi ataatsimiinnermi taama aalajangerput. Nalunaarut tusarliunneqarmat arsaannermi silami pissartanngorniunnissat tamarmik taamaatinneqarput.

Arpanneq Kommunip Aasianni allaffiata silataaniit talliamnngornermi juunip 26-ani nalunaaqutaq 2020 aallartinneqassaaq.

Arpattartut illoqarfini anllaneersut peqataarusussimagaluarput, aaqqissuisuneersoq Arqaluk Brandt Johansen tama oqarpoq.

- Uani kommunip killeqarfitoqaarnut attuumasunut taamaallaat peqataaffigineqarsinnaasunngortittariaqarnikuuarput. Tassalu Aasiaanniit, Kitsissuarsunniit Akunnaamiillu taamaallaat aggersunik peqataatitsisinnaalerluta aaljangertariaqalerpugut, 

AAMMA ATUARUK Arsaannermi GM taamaatinneqarpoq

Aasiaat Midnight Sun Marathon 27-ssaa pisussaq avataaniit peqataasoqarfiussanngilaq.

Inoqarfinniit allaniit tikinnissamut periafissaqaqqullugu periarfissat assigiingitsut sisimanngornermi ataatsimiinnermi misissorneqarsimapput. Assersuutigalugu marathoniinnarmik arpattoqassanersoq amma eqqqarsaatinut ilaasimagaluarpoq.

AAMMA ATUARUK Klubbimi siulittaasoq: GM tikeraaqattaannikkut pisinnaagaluarpoq

Kisianni tassa aalajangerneqarpoq, isorartussutsit pilersaarutaareersut tamarmik arpaffigineqassasut. Tassalu maraton 42,1 kilometerisut, halvmaraton 21 kilometerisut taavlu kingulleq 10,5 kilometerisut isorartutigisut arpaffiussapput.

Aasiaat Midnight Sun Marathonimut nalunaarsinnaaneq ataasinngorneq juunip 22-at ammarneqassaaq.