ASSIT Immap naqqatigut kabeli Aasianni nalliuttorsiutigineqarpoq

Sukkanerusumik internetsikkut attaveqaatitaarnissamut atatillugu Aasianni Tele-Postip allaffeqarfia sisamanngormat kaffillerpoq.

- Aasiaat tungaannut imaatigut kabeleqalernerup kingunerissavaat, Nanortalimmiit Uummannamut illoqarfiit tamarmik decemberimiit Nuummi Qaqortumilu internetip sukkassusaata sukkaqataannik peqalernissaat, Kristian Reinert Davidsen Aasianni innuttaasunut oqalugiaammini oqarpoq.

AAMMA ATUARUK Nu går søkabel-forlængelsen i gang

Kaffillernermilu innuttaasut amerlasuut kaffisoriarsimasut Tele-Postip paasissutissiissutigaa.

Imaatigut kabelip tallilerneqarnera 700 kilomiterinik isorartussuseqarpoq. Taamaaliornerullu innuttaasut 80 procentii pitsaanerusumik internetsikkut attaveqaateqalissasut Tele-Postip anguniarpaa.

Ullumikkummi innuttaasut 37 procentiinnaasa taanna periarfissaraat.

AAMMA ATUARUK Imaatigut kabelip tallinissaa qanilliallattoq

- Kabelimik suliaq pitsanngorsaanissallu allat Tele-Postimit annertoorsuarnik aningaasaliiffiusariaqaraluartut, siulersuisuni isumaqarluinnarpugut tamanna aningaasaliilluarnerusoq - tamannami Kalaallit Nunaanni digitalimik ineriartortitsinermut iluaqutaavoq, siulersuisuni siulittaasoq Stine Bosse oqarpoq.

Innuttaasut 92 procentii, tassa Nanortalimmit Upernavik ilanngullugu, assigiimmik internetsikkut attaveqaateqalernissaat 2020-p tungaanut anguniarneqarpoq.