Assamminneq pingaarutilik. Isumaqatigiissut atsiorneqarsimalerpoq imaatigullu kabelip pilersinneqarnissaa tullinnguuppoq, TELE-POST allappoq. Assi: TELE-POST

Imaatigut kabelip tallinissaa qanilliallattoq

Imaatigut kabelip tallinissaanut pingaarutilimmik alloriartoqaqqippoq. Tassami TELE-POST Nokiamit pigineqartumut suliffeqarfimmut Alcatel-Lucent Submarine Networksimut sisamanngornermat isumaqatigiissusiorpoq.

Nuummiit Maniitsoq Sisimiullu aqqusaarlugit suliffeqarfiup imaatigut kabelimik sanaartorlunilu pilersitsinissamik akisussaaffeqalerneranik isumaqatigiissut kinguneqassasoq TELE-POST tusagassiuutinut nalunaarummi allappoq.

Kitaata Avannaani suliassamut siullermut Alcatel-Lucent Submarine tulluarnerpaasimavoq TELE-POST nalunaaruteqarpoq.

- Suliffeqarfimmik tassannga toqqaasoqarpoq, imaatigut kabelimik ingerlatsinikkut isumannaannerpaamik pitsaanerpaamillu suliaqarsinnaanera pissutigalugu. Isumaqatigiissutip inissilluarneqarnera assut naammagisimaarpara, 2017-imimi pilersitsinissap aallartivinnissaa qilanaarnaqaaq, TELE-POSTimi pisortaaneq, Kristian Reinert Davidsen, allappoq.

Aamma atuaruk Immap naqqatigut attaviliiniarneq akisugaluartoq iluaqutaasussaavoq

Inuiaqatigiinnut iluaqutaassasoq

Ilinniarfiit, inuussutissarsiuteqartut peqqinnissaqarfiullu imaatigut kabelip tallineqarnera iluaqutigiumaaraat TELE-POST isumaqarpoq.

- Inuussutissarsiorneq siuariartornissanut amerlanernik periarfissaqalissaaq, piginnaasallu annertuninngorneratigut ilinniagaqarnerit peqqinnissaqarfillu piginnaanngorsarnertigut qaffassaaffigissavai. Ineriartornerup pitsaasumik sunniuteqaqataaffigisinnaanera assut nuannaarutigaara, TELE-POSTimi siulersuisuni siulittaasoq Stine Bosse oqaluttuarpoq.

Imaatigut kabelip saniatigut Aasianniit Qasigiannguanut Ilulissanullu sakkortusaavimmik annertuumik pisinnaasalimmik pilersitsinissaq kiisalu Uummannamiit Upernavimmut sakkortusaaviup maannakkut pioreersup tallineqarnissaa pilersaarutaapput.

Pilersaarut tamarmi taaguuteqarpoq ’Kitaata Avannaani suliassaq’-mik, tamannalu nunatta avannarpasissortaani innuttaasunut 20.000-inut nalunaarasuartaatitigut attaveqaqatigiinnermik pitsanngortitsissasoq, TELE-POST neriorsuivoq.

Aamma atuaruk Sakkortusaavik tatineqartoq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat