Sakkortusaavik tatineqartoq
![](/sites/default/files/styles/image_934x467/public/article_images/station.jpg?itok=Lmsxio-t)
![](/sites/default/files/styles/image_934x467/public/article_images/radiokaede1.jpg?itok=4aR58N85)
- Teknikkikkut siuariartornerup kingunerisaanik sullitat datamik pisariaqartitsisut amerliartorput. Sakkortusaavilli datamik pisariaqartitsineq annikinneerarsuugallarmat sanaajupput. Taamaattumik piginnaasap qummut killissaa ukioq manna angusussaavarput - pingaartumik nunatta avannarpasinnersaani, Telemi nioqqutinut nittarsaassinermullu pisortaq Brian Smedemark allappoq.
Atuisut internet aqqutigalugu assersuutigalugu Netflixikkut filminik isiginnaarnerminni, ajornartoortarnissaat ilimagineqarpoq.
- Sakkortusaaviup piginnaasaanik sullissisuusugut arlaliussinerput pissutigalugu ajornartorsiummik tamakkiisumik qaangiiniarnissaq ajornakusoorpoq. Imaatigut kabeli avannaanukartoq ikkussorneqariarpat, ajornartorsiut qaangerumaarparput, Brian Smedemark tusagassiuutinut allappoq.