Aasamut – immaqa – inerteqqutaanngitsumik innaallagiatortunik sikkilersinnaanngussaatit

Marlunnik assakaasulinnik innaallagiatortunik inatsisinik unioqqutitsinngitsumik aasamut atuisinnaanngornissannut matumik ammaasoqalaarpoq.

Allattoq Christine Hyldal

apriilip 02-at 2024 12:45

Nutserisoq Connie Fontain

Sikkilit innaallagiatortut qassiiliutaaginnarpoq. Nunatsinnimi nunarsuarmi aalanerpaaffilerusuttuni sikkilik innaallagiatortut inerteqqutaapput.

Sikkinilinnik innaallagiatortunik aasamut atusinnaanngornissannut matumik ammaasoqalaarpoq. Ineqarnermut attaveqaasersuutinullu naalakkersuisoqarfik tusagassiuutinut nalunaarummi allappoq.

- Elcykelinik sikkilertartut 2024-p aasaani sikkilersinnaanissaat qulakkiissallugu siullertut anguniarneqarpoq. Elcykelinut malittarisassat allanngortinneqaqqissanersut siunissami ungasinnerusumi misissorsinnaavarput, ineqarnermut attaveqaasersuutinullu naalakkersuisoq, Hans Peter Poulsen (Siumut) oqarpoq.

Taamaattumik sikkilit innaallagiatortut inerteqqutaapput

Kalaallit Nunaanni sikkilinut inatsit 1979-iminngaanneersuuvoq. Taamani sikkilit innaallagiatortut eqqarsaatigineqarsimanngillat, taamaattumik 'qamutit assakaasullit tukkaavimmik ingerlatillit […], motoorilersugaanngitsut' nunatsinni sikkilitut nassuiaatigineqartartut allassimavoq.

Taamaattumik politiit sikkilit innaallagiatortut knallertitut isigisariaqarpaat. Sikkililli innallagiartortut ikinnersaat knallertinut malittarisassani piumasaqaatinik naammassinnipput, taamaammallu sikkilit innallagiartortut tamakkua inatsisinik malinninngillat.

Aammattaaq løbehjulit, segways, segboard u-runnersillu innaallagiatortut inatsimmut tassunga aamma ilaapput, taakkulu Kalaallit Nunaanni atorneqarnissamut inerteqqutaallutik, taakku piumasaqaatinik naammassinninngitsutut isigineqarmata.

Kalaallit Nunaanni Politiit sikkilit innaallagiatortut nunatsinni inerteqqutaasut oktobarimi paasivaat. Kalaallit Nunaanni angallannermut inatsit 1979-imili nutarterneqarsimanngilaq, tassanilu sikkilit innaallagiatortut eqqarsaataanikuunngillat. Allatut oqaatigalugu: Nunatsinni 'sikkilit qamutitut tukkaavimmik ingerlatilittut motorilersugaanngitsutut' nassuiaatigineqarput.

Aamma atuaruk Takornarialerisoq: Sikkilit innaallagiatortut takornariartitsinermi atorsinnaanngikkallarpakka

Taamaattoqassanngitsorlu, Hans Peter Poulsen isumaqarpoq.

Danmarkimi sikkinut innaallagiatortunut inatsit malillu taanna motorii akunnermut 25 kilometerinik ikiuisinnaapput. Tamatuma kingorna qaminneqassaaq. Danmarkimi angallannermut aqutsisoqarfik nunatsinni sikkinut atatillugu naluinaarummut allannguinissamut missinersuut – danskit malittarisassaanut assingusoq suliaraa. Motoorimi akunnermut 25 kilomertinik taamaallaat ikiuisinnaassasoq missingiummi allassimavoq.

Tusagassiuutinut nalunaarut naapertorlugu missingiut apriilip 18-ata tungaanut tusarniaassutigineqarpoq.

Missingiut naapertorlugu elcykelinut malittarisassat tassaassapput:

Sikkili ataasiinnarmik motooreqarsinnaavoq.
Taamaallaat tukkartortilluni motoori ikiuutissaaq, taamaattoq 6 km/t tikillugu ikiuuteqarsinnaavoq (pisuttutut sukkatigisoq).
Motoori annerpaamik 750 watt-inik sakkortussuseqassaaq.
25 km/t tikillugu motoori taamaallaat ikiuussinnaassaaq.
Bremsinut, qullernut, atortunullu allanut tunngatillugu nalinginnaasumik sikkilinut malittarisassat atuutissapput.
Sikkilertoq sikkilertilluni niaquarnaveeqquteqassaaq.