Aarrit tuusintilippassuit nunamiittut
Imaatami sikua ukiormanna aamma ima annikitsigaaq aarrit 5.000-it missaanniittut Ruslandimi nunap immikkoortuani Tjukotkami illoqarfeeqqap Ryrkaypiyip eqqaani nunamut qaqisimallutik, aammattaaq Alaskap Beringsstrædemut sineriaani illoqarfeeqqap Point Layip eqqaani aarriit tuusintit arlallit nunamut qaqisimapput.
- Siornatigut ataasiaannarluni juulip qaammataani taama kiatsigaaq. Taamaammat aarrit sissami taama siusitsigisukkut takussaaneri tupaallaatiginngilarput.
Aamma atuaruk ASSIT WWF aamma National Geographic suleqatigiillutik paasititsiniaalersut
- Aarrit taamatut nunamiinnerisa ulorianaateqarsinnaanerata saniatigut issittumi pinngortitami ataqatigiinnermut tamarmut qanoq sunniuteqarnersoq misissorparput, Pete Ewins, Pinngortitaq pillugu nunarsuaq tamakkerlugu suliniaqatigiiffimmi WWF-imi issittumi uumasut pillugit immikkut ilisimasalik taama oqarpoq.
Aarrit nunamiittut ima amerlatigaat, ungasinngisaanni najugallit arajutsinianngitsunit pallittorneqarnissaat pinaveersaartinniarsaralugu, aaverpassuimmi uivertoorutigineqassagaluarpata mikinerit nanerneqaratarsinnaanerat aarleqqutigineqarmat.
Aamma atuaruk Uuliaarluarnermi upalugaarsimanermut pilersaarut atuuttoq GE-mit tapersersorneqarpoq
Aarrit nalinginnaasumik issittup imaata naqqani quassuup eqqaani sikup sinaavani uumasuupput, tassani immap naqqa neriniarfinnaaralugu.