Aappilattumi eqqaavissuaq suliarineqassasoq
- Taakkulu naapertorlugit eqqaavinnut anartarfinnullu tunngatillugu atugassarititaasut iluarsiniartussaavagut, Qaasuitsup Kommuniani teknikkimut avatangiisinullu pisortaagallartoq Otto Sandgreen oqarpoq.
Aappilattumi ikuallaavik ikuallalluni atorneqarunnarluni eqqakkat ammasumik ikuallanneqartalermatali sivitsortoq oqaatigereerparput.
Suliffik ulorianarlunilu avatangiisinut mingutsitsimmat tamanna kommunimit aaqqiissuteqarfigeqqullugu nunaqarfinni aqutsisup noqqaassutigisarpaa. Kommunillu maannakkut iliuuseqarniarnera nunaqarfimmiunut tusarluarnarpoq.
Aamma atuaruk Nunaqarfik aamma alla eqqaavilluttoq
- Neriulluarnartorujussuuvoq, uanimi takusinnaavagut suut tamarmik sumiginnarneqartut. Soorlu assersuutigalugu savimernit imaluunniit ulorianarsinnaasut eqqaannarneqarnerat nunaqarfimmi nalinginnaasuuvoq, taamaammat naatsorsuutigaarput neriorsuutaat atuukkumaartoq, nunaqarfinni aqutsisoq Karl Petersen oqarpoq.
Pilersaarut tassa Namminersorlutik Oqartussanit aningaasaliiffigineqareerpoq, taava kommunalbestyrelsep akuersinissaa tullinnguuppoq. Taamaalereerpatalu upernaaru iluarsaasoqalissasoq, Otto Sandgreen oqarpoq.
- Aappilattumi eqqaavissuup suliarineqaqqinnissaa eqqarsaatigalugu sulisunullu pitsaanerusumik atugassaqarnissaq eqqarsaatigalugu iluarsiissutissat pilersaarusiorneqaleruttorput, Qaasuitsup Kommuniani teknikkimut avatangiisinullu pisortaagallartoq Otto Sandgreen oqarpoq.
