Inuussutissarsiutit

VIDEO Aappaluttumi sulineq nuannersoq

Rubinisiorfik Qeqertarsuatsiaat eqqaaniittoq Aappaluttoq 40-t missaanik sulisoqarpoq taakkulu ilagaat Nukaaraq Olsen.

Allattoq Nûno Isbosethsen

oktobarip 20-at 2015 15:01

Avataasiortuusimasoq aatsitassarsiorfimmi ukiut arlaqanngitsut sulisimavoq, ullormullu akunnerit 14-it missaannik sulisarneq artornartutut takorloornarsinnaagaluartoq Nukaaraq Olsenip suliffini nuannaraa.

- Ullut nikerartarput maani, nalunartarpoq aamma qanoq innersoq. Kisianni nuannersorujussuuvoq, ullut sukkasartorujussuupput maani sulilluni, Nukaaraq Olsen KNR-imut oqarpoq.

Aamma atuaruk Greenland Venture 27 mio. koruunit nalinginut piginneqataassutisisoq

Olsenimik kinguliaqaraanni suliffiup avataatigut aamma Olsen aliikkutarineqarsinnaavoq, allanilli aamma sammisassaqartarpoq.

- Saunartarfipput soraareeraangatta saunarfigisinnaasarput, sungiusanngikkaangama saunarfigisartagara, Nukaaraq Olsen oqarpoq.

Aamma atuaruk Nunaqarfik ikiaroornartoqarfittut tusaamaneqartoq pinnersaasiassanik piaaffittut siuariartulersoq

- Signaleqaleriarakka assut malunnarpoq suli maaniinneq suli nuannernerulersoq, Nukaaraq Olsen unnersiorpoq.

Timigissartarfik aamma atorneqarluarpoq. Sulisullu nerisaqartinneqarluarlutik.