Aallaat motoorilu nalliuttorsiornermi eqqugassaasut

Sisimiuni aalisartut piniartullu peqatigiiffiat, SAPP, ukiunik 25-nngortorsiuirnera sapaatiuppat katersortarfimmi persuarsiuutigineqalerpoq, kalaaliminertuuttoqarlunilu eqqugassanik makitsisoqassaaq.

Allattoq Paarnaq Hansen

novembarip 05-at 2015 13:44

-Nuannaartorujussuuvunga ullormullu aggersumut qilanaarlunga, peqatigiiffimmi siulittaasoq Angunnguaq Gustav Enoksen KNR-mut oqarpoq.

Aamma atuaruk Sisimiut Kangerlussuullu akornanni ATV-nut aqqusiorneq ineriartortitsissaaq

SAPP 25-it missaanik ilaasortaqarpoq. Ukiullu ingerlanerini aalisartut piniartullu atugaanik allanngueqataasarsimallutik, siulittaasup oqaatigaa, ukiunilu 20-ini ilaasortaanermini

suliniutigisimasatik arlallit eqqaamavaai.

-Eqqaamavara sorsuutigisatta siulliit ilaat tassaasoq arfernik umiatsiaarasorluni piniarsinnaatitaanissaq angunissaa, siulittaasoq piniarniarluni umiatsiaminiinnermini oqarpoq.

Aamma atuaruk Siumut Paamiut: Akileraarut procentimik ataatsimik qaffanneqarli

Ukiuni 25-ngortorsiornertik malunnartinniarlugu Sisimiuni katersortarfimmi inuuttaasunut katerisimaartitsiniarput. Piumasut tamarmik ullaakkut qulinut naalagiaqataasinnaapput, ulloqeqqaniillu tallimat tungaanut kalaaliminertoriarusuttut aggeqqusaallutik.

Aammaattaaq makitassamik pisisimagaanni motoorimik aallaamillu eqquisoqarsinnaasoq, siulittaasoq oqaluttuarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.