Assi: KNR

Sisimiut Kangerlussuullu akornanni ATV-nut aqqusiorneq ineriartortitsissaaq

Sisimiut Kangerlussuullu akornani ATV-nut aqqusinniornissaq, kingornalu aqqutivimmik aqquteqalernera nunatta ammalerulernissaanut iluaqutaassasoq, Qeqqata Kommunia isumaqarpoq.

ATV-nut aqquserniorneq Sisimiut Kangerlussuullu akornanni kapisilinnik akikinnerusumik assartuisoqarsinnaalissaaq kingornalu Kangerlussuarmiit nunarsuup sinneranut ingerlanneqarsinnaagaluarpoq. Qeqqata Kommuniani Pisuussutit Uumassusillit pillugit ataatsimiititaliap siulittaasua Marius Olsen tusagassiutinut taama nalunaaruteqarpoq.

Aammali erseqqissaatigaa, maannakkut ukioq kaajallallugu angallassineq ajornakusoorsinnaasartoq, pingaartumik aasami qimussertoqarsinnaannginnera qamuteralannilluunniit assartuisoqarsinnaannginnera ajornartarmat.

- Kisianni Sisimiut Kangerlussuullu akornanni ATV-nut aqqusinniortoqarpat, kingornatigullu aqqusinivimmik
sanasoqarpat nunarput ammanerulersissinnaavarput pisuussutigullu avammut akikinnerusumik assartorneqarsinnaalissagaluartut, Marius Olsenip tusagassiuutinut nalunaarummini oqaluttuaraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat