Politikki

Aalisartut: Pisassiisarnerup allanngutissaa kinguartilli

Qaleralinniarnermi pisasseeriaatsip aaqqissuuteqqinnerata atuutilerfissaa, juulip aallaqqaataani pisussaq, 2014-imut januaarip aallaqqaataanut kinguartinneqassasoq KNAPK-imit Naalakkersuisunut maanna piumasarineqarpoq. Ilulissani, Uummannami Upernavimmilu tamanna atuutissasoq piumasarineqarpoq.

Allattoq Oline I. Olsen

maajip 22-at 2012 06:49

KNAPK-mit oqarnerat naapertorlugu pisassiissutigineqartut naammagittaalliutigineqaqaat.

Aalisariummik angallateqarluni aamma umiatsiaararsorluni qaleralinniarnermi assigiinngitsunik atugassaqartitaanerit aalisartunit akuerineqarusunngillat.

Tassani pineqarput umiatsiaararsortut aamma angallatituulli pisassiissutinit pisassanik agguaaffigineqartariaqarneri, pineqartutut paggatassiinnarnagit, KNAPK-mit tusagassiutinut nalunaarummini ilaatigut taama allattoqarpoq.

Pisassiissutinit pisassat naatsorsorneqarnerini annertuumik nikingassuteqartarnerisa akuerineqarsinnaannginneri, aamma naammagittaalliorsinnaanermut piffissaliussassap piaarpallaarnera, kinguartitsinissamut piumasaqarnermi tunngavilersuutigineqarput.

KNAPK-miillu aarleqqutigineqarpoq aaqqissuusseqqinnermi, sinerissap qanittuani aalisartutoqqat pisassaasigut annikinaarlugit tuninersigut, sinerissap qanittuani qaleralinniareersuunngitsut isertinniarneqalersut.

Aalisartut: Pisassiisarnerup allanngutissaa kinguartilli

Aamma atuaruk