Naalakkersuisut aalisartunut ikiorsiinatik, taarsigassarsinissaat Torben M. Andersenip siunnersuutigaa. Taamatullu siunnersuuteqarneq Johannes Mølgaardip akuerisinnaanngilluinnarpaa.Assi: Privatfoto

Aalisartut ikiorserneqarnissaminnik neriuuteqartut: Ilungersunartorsiorpugut

Naalakkersuisut ikiorsiinatik taarsigassarsiinissaat aningaasaqarnermut siunnersuisoqatigit siunnersuutaat, Qeqertarsuarmi aalisartumit isumaqatigineqanngilaq.

Coronap nunarsuaq tamakkerlugu tuniluunnera aalisakkat akiinut avammullu tuniniaaniarnermut suli ilungersunartorsiortitsivoq.

Kisianni annaasaqaratarsinnaaneq aalisartuniit nunatta karsianut nuunneqarsinnaammat, aalisartut ikiorserneqartariaqanngitsut, siunnersuisoqatigiit siulittaasuat, Torben M. Andersen naliliivoq.

AAMMA ATUARUK KNAPK-p siulittaasuata siunnersuisoqatigiit saassukkaa: Politikkikkut qisuariartoqartariaqarpoq

Taamatullu naliliineq KNAPK-p Qeqertarsuami immikkoortortaqarfiani APPQ-mi siulittaasup, Johannes Mølgaardip, isumaqatiginngeqaa.

- Aalisakkat akiisa apparneri sunniutilerujussuuvoq. Tamatsinnut aalisartunut. Qaleraliugaluarpat, saarulliugaluarpat, saattuaagaluarpat raajaagaluarpat tassami aalisakkat tamarmik, aalisartuulluni oqimaatsorujussuuvoq akiligassallu qaffakkaluttuinnarlutik, Johannes Mølgaard oqarpoq.

Ikiorsiinasi taarsigassarsiigitsi

Naalakkersuisut aalisartunut ikiorsiinatik, taarsigassarsinissaat Torben M. Andersenip siunnersuutigaa.

Taamatullu siunnersuuteqarneq Johannes Mølgaardip akuerisinnaanngilluinnarpaa.

- Taarsigassarsisitsineq taanna akuerineqarsinnaanngilaq. Takornarialerisut taperneqarsinnaappata taarsigassaanngitsunik, aamma alisartut taarsigassaanngitsunik taperneqartariaqarput.

Aningaasaqarnermut siunnersuisoqatigiit taamatut naliliinerat, KNAPK-p siulittaasuanit aamma naammagisimaarneqanngilaq.

Naalakkersuisullu aningaasaqarnermut siunnersuisoqatigiit siulittaasoqarfiat apeqqusertariaqaraat, taanna isumaqarpoq.

- Taamatut eqqarsarneq inuiaqatigiit katitigaanitsinnut naapertuutinngilluinnarpoq.

Ilami allaat immaqami aamma naalakkersuisut aningaasarsiornermut siunnersoqatigit siulittaasoqarfiata inuttalersorneqarnera immaqa aamma ilanngullugu nalilersortariaqalerpaat, Henrik Sandgreen KNR-imut taama oqarpoq.

 

AAMMA ATUARUK Økonomisk Råd vurderer: Fiskeristøtte bør undgås

Jens Frederik Nielsen, ikiorsiissutissat pillugit maanna isumaqatiginniaqataaleruttortoq, KNR-ip apersornissaanik isumaqatigiissuteqarfigigaluarpaa.

Apersuinissarli nassuiaatissartaqanngitsumik taassuma taamaatippaa.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10273
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 22-at 2020 nal. 10:45