Aalisartoq qipoqqarmit neritingajattoq
Peqqussuarnik aalisartartoq USA-minngaanneersoq qipoqqarmit neritigajassimalluni allappoq.
Arferulli aalisartoq sivitsunngitsoq oriarpaa.
Allattoq Ritzau
juunip 12-at 2021 18:31
Taanna nammineerluni taama oqartoq, AFP allaaserisarpoq.
Aalisartoq Michael Packard naapertorlugu, taanna arferup qaniata iluaniissimavoq, sivisunngitsorlu qaangiummat anillaqqissimalluni.
- Arferup immap qaavanukaqqinnginnerani 30-40 sekundit missaanni qaniata matoqqasup iluaniippunga, taava oriarpaanga.
- Qipoqqaap nereriaraluarpaanga, kimillannersuarnik ulikkaarpunga, napinngilangali, Michael Packard, Facebookkikkut pisup kingorna misigisaminik allaatiginnippoq.
Taanna sumiiffimmi aviisimut, Cape Cod Times-imut oqaluttuarpoq, nalulluni peqqussuarniarnermini taamak pisoqartoq.