Aalisarnermi nakkutilliisut inuussutissalerinermut ministeriaqarfiup ilinniartippai
Inuussutissalerinermut ministeri Mette Gjerskov aamma aalisarnermut naalakkersuisoq Ane Hansen suleqatigiinnissamut isumaqatigiissumik ullumi atsioqatigiipput. Tassani aqqutissiorneqarpoq aalisarnermi nakkutilliisut ilinniartinneqarnerisa suleqatigiissutigineqarnissaa.
Taamatut isumaqatigiissusiornikkut aalisariutini eqqiluisarnermut nakkutilliinerup ukiortaami 2013-mi nunatsinnit oqartussaaffigineqarsinnaalernissaa piareersarfigineqarpoq.
- Pingaaruteqarpoq Kalaallit Nunaanni nakkutilliinermi oqartussanik qanimut suleqateqarnissarput taamaasilluta qulakkeerinniffigeqataasinnaavarput nunani tamalaani nallersuussinnaasumik pitsaassusilimmik nakkutilliisinnaanissaat, inuussutissaqarnermut ministeri Mette Gjerskov oqarpoq.
Aalisarnermi nakkutilliisutut ilinniartitaaneq ukiunik marlunnik sivisussuseqarpoq maannalu kalaallit arfinillit Danmarkimiipput, tassani qallunaat arfineq pingasut nakkutilliisutut ilinniartut ilinniaqatigaat. Taakku ilaatigut ilinnialeruttorpaat tappiorannartulerineq, aalisarnerup iluani tappiorannartut aamma kemi.
Isumaqatigiissut nutaaq aqqutigalugu Nunatsinni aalisarnermut nakkutilliisut peqataaffigisinnaalerpaat avatangiisinut inuussutissarsiornermullu aqutsisoqarfiup nakkutilliisinut ilinniartitsisarnera tassanilu ilinniarnerup ilaa nunatsinni pissutsinut naleqqusaagaassaaq.
Aalisariutini eqqiluisaarnermik nunatsini nakkutilliineq ullumikkut inuussutissalerinermut aqutsisoqarfimmit Danmarkimiittumit oqartussaaffigineqarpoq.
