Aalisarneq pillugu inatsisissatut siunnersuut akisusinnaasoq
Nunatta karsiata ukiumut 130 millionit koruunit annaasalersinnaavai inuussutissarsiuteqarnermillu ingerlatsisut naalagaaffimmi tunisat ataatsimut nalingat naatsorsoraanni ukiumut 180 millionit annaasinnaallugit.
Inatsimmi suliniuteqarnermi kalaallit aalisartarnerisa naligiinnerulernissaannut iluaqutissartaat siunertaavoq, taamaalilluni nunatta aalisarnermut isumalluutaat ikittuinnarnut tunniunneqaratik innuttaasunut amerlanerusunut agguaanneqarsinnaalissapput, Naalakkersuisut tunngavilersuipput.
Suliniutigineqartulli assigiinngitsut tamanna ilutigalugu aalisarnermut sunniutikinnerulersitsissaaq taamatullu nunatta karsiata suliffeqarfiillu aningaasat isertitaat appassasut oqaaseqaammi allassimavoq.
AAMMA ATUARUK Pisassiissutit sinerissap qanittuani aalisartunut ammaakkusukkai
Inatsimmi suliniutit arlallit atortorissaarutinut nutaanut aningaasaliinissat pilerinannginnerulersissavaat tamannalu ilutigalugu sinerissap qanittuani aalisarnermi pisassiissutissaqarnerulissaaq. Suliniutit tamarmik suliffissanik amerlanerusunik pilersitsissapput, angallatimmi minnerullutik pisoqaanerussapput amerlanerusunillu sulisoqarfiussallutik.
Taamaakkaluartorli aalisarnermut sunniutikinnerulersitsissaaq tamakkulu ilaatigut nunatta karsianut inuussutissarsiuteqarnermillu ingerlatsisut isertitassaraluannik annaasaqartitsissapput.
Aalisarnermi suliffissat amerlaneruneranni piffissami qaninnerusumi suliffissaaleqisukinnerulersitsissaaq, inuiaqatigiinnili sumiiffinni allani suliffissaaleqisut piffissami ungasinnerusumi amerliartussapput.
Inatsisissatut siunnersuummut oqaaseqaatit tamarmik uani atuakkit.
AAMMA ATUARUK Flere fiskere påvirker økonomien negativt
AAMMA ATUARUK Krusep aalisartut amerlanerunissaat kissaatigaa
