Aalisarneq pillugu ataatsimiititaliarsuarmi ilaasortat toqqarneqartut
Aalisarneq pillugu Ataatsimiititalilarsuarmi ilaasortanngortussat avammut saqqummiunneqarput, kattuffiillu arlallit inassuteqarnerisigut ilaasortanngortussat Aalisarnermut, Piniarnermut Nunalerinermullu Naalakkersuisumit toqqarneqarput.
AAMMA ATUARUK GE: Ataatsimiititaliarsuup paasissutissat pingaarutillit pissarsiarinngitsooratarsinnaavai
Ataatsimiititaliarsuarmi Jens Paulsen siulittaasutut siullermik toqqarneqarpoq.
Ataatsimiititaliarsuarmi siulittaasup tulliatut professori soraarneq Peder Andersen toqqarneqarluni.
Ilaasortat sinneri, KNAPK-mit, SQAPK-mit, SIK-mit, GE-mit, NUSUKA-mit, Kukkunersiuisut suliffeqarfiannit, Pinngortitaleriffimmit, Grønlandsbankenimit kiisalu Kommuninit toqqugaapput.
AAMMA ATUARUK Aalisarnermut ataatsimiititaliarsuassaq iluatsinngitsuussaaq
Aalisarneq pillugu Ataatsimiititaliarsuarmi pilersaarusiortoqalereerpoq ataatsimiititaliarsuullu siulittaasuata ilisimatitsissutigaa, siullermeerluni apriilip ulluisa qulingiluaanni ataatsimiittoqassasoq.
Aalisarneq pillugu Ataatsimii
titaliarsuup sulinissaanut tunngavissiaq Naalakkersuisut marsip arfineq appaanni akuerivaat.
Ataatsimiititaliarsuaq suliani pillugit isumaliutissiissummik kingusinnerpaamik 2020-imi junimi tunniussissaaq, ataatsimiititaliarsuulli pisariaqartippagu piffissaliussaq sivitsorneqarsinnaassaaq.
Ataatsimiititaliarsuarmiilersut:
Jens Paulsen, siulittaasoq
Peder Andersen, siulittaasup tullia
Ilaasortat:
Eskild Kirkegaard, Aalisarneermut siunnersortaasimasoq
Henrik Sandgreen, KNAPK-imi siulittaasoq
Erik Lange, pisortaq, SQAPK
Jess G. Berthelsen, SIK-mi siulittaasoq
Brian Buus Pedersen GEmi pisortaq
Gerth B. Lynge, NUSUKA-mi siulittaasoq
Knud Østergaard, Kukkunersiuisoq
Helle Siegstad, Pinngortitaleriffimmi immikkoortortaqarfimmi pisortaq
John Jakobsen, Grønlandsbankenimi pisortap tullia
Paneeraq Olsen Kommunit sinnerlugit