VIDEO Aalisariutaatinik piorsaasoqarnissaa Kujataani aalisartunut pingaaruteqarluinnartoq
- Nanortallip eqqaaniinnikuuvunga, Nanortaliullu eqqaa peqarluarpoq, kisianni illualaaraanni ajornaveqaaq, Kristian Isaksen oqarpoq.
Kujataani aalisarneq pitsanngorsarneqassappat aalisariutit anginerusut pisariaqartinneqassasut, KNAPK-p siulittaasuata Henrik Sandgreenip erseqqissaatigaa.
Aamma atuaruk KNAPK: Naalakkersuisut pitsaanerusumik nassuiaasariaqalerput
- Erserpoq saneqqunneqarsinnaanngitsoq Kujataani aalisariutinik piorsaasoqartariaqartoq. Taamaalilluni aamma ungasinnerusumut aalisagaqarfiit tikillugit aalisarnermik ingerlatsilersinnaaneq, Henrik Sandgreen KNR-imut oqarpoq.
Taamatulli piorsaasoqassappat aningaasatigut isaatitaqarluarnissaq pisariaqarpoq.
- Massakkut taama inuuniarneq akisutigitillugu, inissiallu nerisassallu suullu pisiassagut taama akisutigitillugit, ullut tamaasa 10 tonsinngikkaanni nuannaarluni inuuffissanngilaq, Qaqortumi KNAPP-mi siulittaasoq, Søren Noahsen, taama oqarpoq.
Aamma atuaruk Finn Karlsen: Aalisariutit isaterneqarnissaannut aningaasaateqarluarpugut
Piginneqatigiillunilu ingerlatseqatigiiffikkoortumik aalisariutinik nutaanik aningaasalersuinikkut aaqqiissutissaq aamma imaaliallaannarluni anguneqarsinnaanngilaq.
- Aajuna uniffigineqartartoq, tassa selskabimik aallarteriaatissap akisuallaarnera ilaasa tusaraagamikku tamatigut naqitsertarpugut, Kristian Isaksen oqarpoq.
Aappilattumi KNAPP-mi siulittaasoq, Hans Levisen, isumaqarpoq aalisakkanik allanik amerlanerusunik tulaassuisinnaasuugunik iluaqutaalluassagaluartoq, soorlu qalerallit, saarulliit, suluppaakkat qeeqqallu, taamaaliornikkut ileqqaarisoqarsinnaassagaluarmat.