Aalisakkat oqallisigalugit taasinernik aalisarput
Aalisakkanik tunisassiorfiit inerisarneqarnissaannut nunatsinni politikerit siuttuusariaqarput.
KNR TV-kkut Radiokkullu toqqaannartumik aallakaatinneqartumik qinersisartunik Sisimiut timersortarfianni ippassaq ataatsimiisitsisoqarmat oqariartuutit ilaat taamaappoq.
Allattoq Jens Thorin
februaarip 15-at 2013 06:47
Inuit Ataqatigiinnit Ane Marie Schmidt Hansen, Partii Inuinniillu, Lars Mathæussen, Nunatta karsiata aningasassaaleqisup immernissaanut tigussaalluinnartumik siunnersuuteqarput.
Taakku marluullutik isumaqarput, aalisakkanik tunisassiorfiit inerisarneqartariaqartut, Nunatta pisuussutini uumasut pissarsissutigineruniassammagit.
Taamaaliornikkummi aalisakkat avammut tuniniarneqannginnerminni pisiareriaannanngornerullugit tuninisassiarineqarsinnaapput, tassalu
suliffissat amerlanerusut pilersinneqassallutik.
Royal Greenlandilli ukiorpassuarni taamaassimanani kusanartumik sinneqartoornera Sara Olsvigip nersualaarpaa.
