Aalisakkat akilerluarpaat
Nunatta EU-llu akornanni aalisarneq pillugu peqatigiinnermut atatillugu isumaqatigiissut, piffissami 2013-miit 2015-mut atuutissaaq.
EU-p Nunatta imartaani aalisarsinnaanissaanik periarfissiisussaq, tassungalu EU-p akiliutissai isumaqatigiinniutiginerat tallimanngormat naammassivoq.
Taamaalilluni akiliutit tamarmiusut 132 million korunnit missaaniilissapput, ullumikkut tunngaviusumik 121 million koruunit Nunatta karsiata isertittaraluarpaat
- Isumaqatigiinniarnermi tassani angusat, Nunatta Karsianut pisariaqartumik tapersiinissamik qulakkeerinnittut naammagisimaarpakka. Aalisarnermut Naalakkersuisoq, Ane Hansen oqarpoq nangillunilu.
- Aningaasat maannamiit amerlanerupput, tassungalu peqatigitillugu EU-mut aalisarnermi pisassiissutit ikilineqarlutik, taamaalilluni aalisarnermi aalisagaqassuseq kalaallillu aalisarnermik inuussutissarsiuteqartut soqutigisaat isiginiarneqarlutik. Tassunga ilanngullugu kalaallit aalisakkanik tunisassiaat EU-mut eqqunneranni akitsuuteqannginnissaat ingerlaannarluni, Aalisarnermut, Piniarnermut Nunalerinermullu Naalakkersuisoq Ane Hansen oqarpoq.
Isumaqatigiinniarnermi angusat januaarip aallaqqaataani 2013-imi atuutilinnginneranni tamanna Naalakkersuisunit EU-millu inaarutaasumik akuerineqassapput.
