Aalisakkanut tamanut avataasiorluni pisassat tamakkerlugit aalajangersarneqartut
Naalakkersuisut nittartagaanni tamanna allaaserineqarpoq.
Saarulliit 20.000 tonsit pisassiissutigineqarput - aalisarneqartussallu amerlanersaat nunatsinni aalisartunit aalisarneqassapput, 4.000 tonsilli sinnilaarlugit Norgemit, Savalimmiunit EU-miillu aalisarneqassallutik.
AAMMA ATUARUK Nunanik sanilerisatsinnik aalisarnikkut isumaqatigiissuteqartoqartoq
Avaleraasartoortassat nunatsinni aalisartunit ukiormanna akunnaallisarlugu 59.700 tonsit sinnilaarlugit aalisarneqarsinnaassapput - pisassallu taakkua nunanit allanit avinneqaratik aalisarneqassapput.
Ammassassuarnik pisassiissutit kisiartaallutik aalajangersaavigineqanngillat, ammassannummi tunngatillugu Islandip imartaani misissuinerit ingerlanneqalerput. Misissuinerit pineqartut inerneri pisassiinissamut tunngavissiisinnaassanersut paasinarsissaaq.
AAMMA ATUARUK Aalisartut uumasulerisullu innersuussutaat naleqqussarlugit saarullittassiisoqartoq