Arsaannermi GM suli periarfissaqalaarpoqAssi: Lars Jørgen Petersen

Aajuna KAKp GM-mut pilersaarutaa

Coronamik tunillatseqqittoqanngippat aammalu nalunaarut pilersaarutaasutut augustip aallqqaataani atorunnaassappat angutit arnallu arsaannermi pissartanngorniussinnaassapput

Arsaannermi Nunatsinni pissartanngorniuttoqarsinnaanera suli periarfissaqalaarpoq.

Arsaattartut kattuffiat KAK namminersorlutik oqartussanik ataatsimeeqateqarpoq inuit katersorsinnaanerat pillugu nalunaarut qanorpiaq malitassaqarnersoq paasiniarlugu.

Tamatuma kingorna pissartanngorniutsitsinissamut pilersaarut nutaaq KAKp tallimanngornermi saqqummiuppaa arsaattartullu kattuffiat malillugu tamanna nalunaarummut oqallisaaqisumut naapertuuttuuvoq.

AAMMA ATUARUK GIF: Nuna tamakkerlugu pissartanngorniunnerit unitsikkallarneqassapput

- Namminersorlutik oqartussat nalunaarutaat naapertorlugu kommunet killeqarfiisa iluanni timersornernik aaqqissuussisoqarsinnaavoq. Tassa imaapppoq kommunet killeqarfiisa iluani anngunniuttoqarsinnaasoq, KAK nalunaarpoq itisiliillunilu:

- Matumuuna ilisimatitsissutigissavarput angutit sapaatip-akunnerani 29-mi kommunikkaartumik unammiuaassasut unammiuaarnerillu taakku anngunniuffiussasut KAK-mi siulersuisut juunip 25-anni aalajangiuppaat, KAK nalnaarpoq.

Inuusuttuaqqat GM-ssanngillat

Angutit pissartanngorniunnerat sapaatip akunnera 33 Ilulissani pissaaq taannalu tassa augustip qulingat aallartippoq arnallu Nuummi pissartanngorniunnerat sapaatip akunneranik kingulliulaarluni pissaaq.

AAMMA ATUARUK Arsaannermi GM taamaatinneqarpoq

KAKp tassa suli aalajangiusimavaa silami inuusuttuaqqat U-15-it aamma U-18-it pissartanngorniunnerat pissanngitsoq. Inuusuttuaqqat unammersuarnissaannik aaqqissuisuusussaagaluartut tunuarsimapput KAK-llu ilimagereerpaa nappaatit tuniluuttut pillugit ataatsimiititaliarsuup inassutaanut naapertuuttunik unnuiffissanik pissarsiniarneq ajornakusuussasoq.

- Taamaattoq peqatigiiffiit kaammattorpavut sumiiffimminni imaluunniit kommuniminni unammiuaarnernik minnerusunik aaqqissueqqullugit, taamaalillutik meeqqat inuusuttuaqqallu inatsisitigut unioqqutitsinerunngitsumik unammiuaartinneqarsinnaammata, KAK nalunaarpoq.

Kalaallit Nunaanni timersoqatigiit kattuffiat pingasunngornermi uani sapaatip akunnerani inassuteqarpoq pissartanngorniunnerit tamarmik taamaatinneqassasut. Inassut augustip aallaqqaataata tungaanut atuuppoq. Ullorlu taanna inuit katersuussinnaanerat killilersorniarlugu nalunaarut atorunnaartussaasoq. GIF-miilli erseqqissaatigineqarpoq nalunaarutip atuuffia sivitsorneqaratarsinnaasoq.

KAK-miit aamma erseqqissarneqarpoq angutit arnallu pissartanngorniunnissaat taamaallaat pisinnaasoq nalunaarutip atuuffia sivitsorneqanngippat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat