Aajap Aleqallu Folketingimi suleqatigiinnerat killeqartupilussuaq
Aleqa Hammondip folketingemi sulinermut atatillugu akiliummik imminerminut atuisimanera Kalaallit Nunaata soqutigisaanut ajoqutaasimasoq, Aaja Chemintz Larsen isumaqarpoq.
Politikikkut sulianut aallutaqaqqileqqinissaq neriuutigilluinnarpara, tassami IA aamma Kalaallit Nunaat sinnerlugu folketingemut qinigaagama, Aaja Chemnitz Larsen oqarpoq.
Aamma atuaruk Pia Kjærsgaard Aleqa pillugu: Akuerineqarsinnaanngilaq
Suleqatigiittoqarpianngitsoq
Maanna Aleqa Hammondip inissisimanera paasineqarpoq tamannalu kinguneqarsimavoq taamaattumik folketingemi politikikkut sulinerup aallunneqaqqilernisaa neriuutigaara, Aaja Chemnitz Larsen oqarpoq.
Kalaallit Folketingemi ilaasortaatitaasa akornanni suleqatigiittoqarpiarsimanngitsoq Aaja Chemnitz Larsen oqarpoq.
Aaja Chemnitz Larsenip oqarnera naapertorlugu piffissap takutikkumaarpaa suleqatigiinneq pitsanngoriassanersoq.
Kalaallit Nunaannut iluaqutaasunik sulianik takkuttoqaraangat annikikkaluamik suleqatigiittarpugut
Eqqartuussisoqarneq pillugu annikikkaluaamik suleqatigiinnikuuvugut taassumali saniatigut qanittumik suleqatigiinnikuunngilagut, IA sinnerlugu Folketingemi ilaasortaq Aaja Chemnitz Larsen oqarpoq.
Aamma atuaruk Aaqqissuisuuneq: Aleqa Folketingimi ilungersortussanngorpoq
Aamma atuaruk PISUT Kreditkortimik atuineq pillugu allaaserisat tamaasa