Aaja qaangerlugu Aleqa atuuffeqalerpoq
Folketingimi qinersinermi kalaallit partiiannut qinigaanerpaamut siulittaasuuffik isumagisassanngortinneqartaraluarpoq. Taamaalilluni siulittaasuuffik Aaja Chemnitz Larsenip Inuit Ataqatigiinneersup tigusussaagaluarpaa. Tamatumunngali taarsiullugu Danmakimi talerperliuniat ilaannit siulittaasuuffigineqalissaaq.
Aamma atuaruk IA-p Dansk Folkeparti kalaallinik ataqqinninnginnerarpaa
Socialdemokratit aamma Siumup teknikikkut suleqatigiittut, Kalaallit Nunaannut ataatsimiititaliami Aleqa Hammond siulittaasumut tullinngortussatut innersuuppaat.
- Folketingimi sunniuteqarusukkaanni partiit avataanni inissisimanani Danmarkimi partiimik suleqateqarnissaq silatusaarneruvoq, Aleqa Hammond tusagassiuutinut nalunaarummini taama allappoq.
Aamma atuaruk VIDEO Kalaallit Nunaannut ataatsimiititaliami siulittaasuuffik talerperliit piumasaraat
Tamatuma saniatigut Aleqa Hammondip aamma ilaasortaaffigilerpai Illersornissamut Ataatsimiititaliaq, Eqqartuussiveqarnermut Ataatsimiititaliaq, Nunanut allanut tunngasunut Ataatsimiititaliaq aamma Nunat Avannarliit Siunnersuisoqatigiivi kiisalu Nunanut Allanut tunngasunut Aalajangiisartunut sinniisussanngorluni.