Aaja: Illersornissaqarfik aningaasanik amerlanernik pisariaqartitsivoq
Taamaattumik illersornissamut ministerip amerlanernik aningaasaliinissamut matu ikerseqqassagaa taanna isumaqarpoq.
Illersorneq nutaaliatut ingerlatissallugu akisuvoq. Taamaattumik ukiumut 120 millioner koruunit Issittumi sulinissamut naammakkunnanngitsut Inuit Ataqatigiit Folketingimi ilaasortaatitaata Aaja Chemnitz Larsenip aarleqqutigaa.
Taamaattumik aarleqqunni illersornissamut ministerimut Claus Hjort Frederiksenimut Folketingimi illersornissaqarfiup isumaqatigiinniutigineqannginnerani sapaatip akunnerani matumani saqqummiuppaa.
- Kalaallit Nunaanni illersonissaqarfiup pisarialimmik kivinneqarnissaanut 120 millioner koruunit amigarnissaat aarlerigisinnaavara.
AAMMA ATUARUK Illersornissaqarfiup issittumi suliassai pillugit nalunaarusiaq saqqummiunneqartoq
Folketingimi amerlanerussuteqartut Illersornissaqarfiup Issittumi sulinerata nukittorsarneqarnissaa decembarimi akueraat.
Issittoq pillugu paasiniaaqqissaarnerit ersersippaat Kalaallit Nunaanni sillimaniarnerup pitsanngorsartariaqarnera.
Innersuussutigineqartunut ilaavoq qaammataasanit nakkutilliinerunissaq, Nunatsinni kajumissutsiminnik upalungaarsimasunik pilersitsineq, inuusuttunik ilinniartitsineq imartatsinnilu nakkutilliissutit ataatsimik ilaneqarnissaat.
Naallu innersuussutigineqartut suli piviusunngortinneqanngikkaluartut, Aaja Chemintz Larsenip aarloqqutigaa ukiuni sisamani ukiumut 12o millioner koruunit naammannavianngitsut.
- Illersornissamut isumaqatigiissutissami Kalaallit Nunaata soqutigisaasa aallunnissai pillugit naalakkersuisut ammasariaqarput. Innersuussutigineqartut piviusunngortinnissaannut akissaqanngikkaanni aningaasat amerlanerusut qulakkeerneqartariaqartut Chemnitz Larsen oqarpoq.
AAMMA ATUARUK Kalaallit Illersornissamut Qullersaqarfik ikiussavaat
Naalakkersuisut kalerriussimavaat isumaqatigiissutissami Illersornissaqarfiup amerlanerujussuarnik aningaasaliiffigineqarnissaa. Ingammillu Østersømi NATOmilu suliniutit eqqarsaatigalugit.
Taamaattumik ministeri Claus Hjort Frederiksen Issittumi suliassanut aningaasaleeqqinnissamik neriorsuisimanngilaq.
- 120 millionit naammassanngippata Illersornissamut ministeri allatigut qulakkeerinninnissamut ammasimagaluaqaaq. Kisianni soorunami aningaasat taakku allanit aaneqartariaqassasut, Chemitz Larsen naggasiivoq.
Isumaqatigiinniarnerit pillugit ministeri oktobarip aallaqqaatinngortinnagu siunnersuuteqartussaavoq. Tassani isumaqatigiinniaqatigiit kalaalersaqaratik ingerlasussaapput.
AAMMA ATUARUK Illersornissamut aningaasaliissutit amerlineqarnissaat taperseraat
