5G pillugu ataatsimeersuartoqalerpat USA peqataaniartoq

Taama aaqqissuussilerput, USA-p Kinallu akornanni Huawai pillugu aaqqiagiinnginnerup nalaani.

Oqarsuaatit angallattakkat qarasaasiallu attaveqataanut atortup 5G-ip kinguaariit tulliuttut atunissaannut ataatsimeersuarnissamut USA qaammatip tulliani ataatsimeersuartitsissaaq.

Taama nalunaaruteqarpoq, Præsident Donald Trumpip aningaasaqarnermut siunnersuisoqatigiiffiani siuttoq Larry Kudlow

Kinamiut suliffeqarfiutaata Huwaip nunani killerni 5G-mik ineriartortitsinissaa USA-mi naalakkersuisut pinaveersaartinniarsaraat isumannaallisaanerup ulorinartorsiortinneqarnera innersuussutigalugu.

AAMMA ATUARUK Detektor: Kinamiut kilitsissiatut sulisinnaanerat Carla Sandsip mianersoqqussutigaa

Huawei attaveqaat 5G atorlugu nunat allat paasissutissaataannik mianernartunik pissarsisarsimaneranik oqarneq Kínamit ilumunnginnerarneqarpoq.

USA-mi præsidenti Trump ataatsimeersuarnermi peqataaniarpoq, Sydkoreamiullu oqarasuaatinik angallattakkanik sanaartorfiat Samsung qaaqqusaasimasoq, Kudlow oqarpoq.

Suliffeqarfik Huawei nunarsuarmi qarasaasiat attaveqaataasa atortuinik 5G-nik ineriartortitsinnaasut ikittut ilagaat.

5G-nik annertuumik tunisaqartartut tassapput svenkit suliffeqarfiutaat Ericsson aamma Finlandimiut mobiilinik tunisassiorfiat Nokía.