50.000 koruunit KNR-imut akiliutigineqassapput
Aningaasat Meeqaat Ikiortigit meeqqanut angerlarsimaffiup avataanut inissinneqarsimasunut suliniutiminut atussavai.
Aningaasalii tamakkerlutik meeqqanut apuutissanngillat.
Aningaasanimmi katersorneqartunit 50.000 koruunit KNR-ip toqqaannartumik aallakaatitsineranut akiuliutigineqassapput.
Katersorneqartunit KNR-i akilerneqartarnera naliginnaasuusoq, ukiullu siuliini taamaaliortoqaraangat, tamanna aamma isumaqatigiissutigineqartartoq, KNR-ip pilersaarusiornermi pisortaa Niels Pavia Lynge oqarpoq.
- Taassuma ilaatigut pissutaatippaa aningaasartuutitta ilaannik matussutissamik aaqqiisarnerput. Taavalu ukioq manna 50.000-nik akilerneqassalluta Meeqqat Ikiortigillu isumaqatigiissutiginikuuarput, Niels Pavia Lynge oqarpoq
Aamma atuaruk Katersuiniarnermi 1 millionit koruunit sinnerlugit katersorneqarput
Aamma atortut sillimaserneqartut sulisullu amerlasuut sulineri aamma aningaasartuutigineqartut, Niels Pavia Lynge aamma oqarpoq.
Tassalu KNR-ili suleqataanerminut aningaasanik akilerneqarpoq. Suleqataasut allat akilerneqanngisut.
Assersuutigalugu Oqarasuaatilerisut, nipilersortartut, aliikkusersuisut, aallakaatitsinermi ingerlatsisut, nujalerisut allarpassuillu kajumissutsimik suleqataapput. Aamma sms-service taavalu telefoninut attaveqarfiusinnaasut Tele-Postip aningaasartuutigineqanngitsumik isumagai.
Aamma atuaruk Meeqqat Ikiortigit nuna tamakkerlugu katersuiniarneq 31.10.2015
Akiliutilli KNR-ip aningaasartuutaanut tamakkiisumik matussusiinngitsut, pilersaarusiornermut pisortaq erseqqissaavoq.
- Arfininngormat taamaallaat sulinngillat. Sapaatip akunnerata aallartilaarneraninngaanniit ikkussuinerit aallartisarneqarput taavalu tallimanngorneq ullup ilarujussua misilittaanermut peqataasussat peqatigalugit GU-p aulaani misilittaasoqarpoq.
- Aamma arfininngornermi ualikkut misilittaasoqarpoq taavalu arfininngornerup unnukkuani ulapilluta, Niels Pavia Lynge oqarpoq.
Aningaasat katersorneqartut aningaasartuutillu takussutissaat sapaatip akunnerinik pingasut qaangiuppata piareerneqarpata nalunaaruteqarumaarlutik, Meeqqat Ikiortigit siulersuisuisa siulittaasuat Ruth Montgomery-Andersenip neriorsuutigaa.
