Katersuiniarnermi 1 millionit koruunit sinnerlugit katersorneqarput

Nuummi GU-mi katersuiniarnermi tv-kkut  arfininngormat aallakaatinneqartumi, Meeqqat tamarmik angerlarsimaffeqartussaatitaanerat sammineqarpoq, tassanilu 1.023.000 koruunit katersorneqarlutik.

Aamma atuaruk Meeqqat Ikiortigit nuna tamakkerlugu katersuiniarneq 31.10.2015

Meeqqat angerlarsimaffiup avataanut inissinneqarsimasut atugarisaat pitsaanerulersinnissaannut suliniummut aningaasat atorneqassapput.

Tassami meeqqat angajoqqaaminni najugaqarunnaarsimasut, angajoqqaatillu nuannersumik misigisaqarnissaat pillugu piareersaatitut sammisamut katersuiniarnermi aningaasat katersorneqartut tunniunneqarumaartut, Meeqqat Ikiortigimit siornatigut oqaatigineqareerpoq.

Aamma meeqqat angajoqqaallu ataatsimoornissamut tapersersorneqarlutik atassuteqarnerulernissaat, suliniutip ilaatigut aamma siunertarigaa,  Meeqqat Ikiortigimit siornatigut aamma nassuiaassutigineqarpoq.

Meeqqat Ikiortigit peqatigiiffittut namminersortutut 2013-imi pilersinneqarpoq, Save the Children Internationalillu ataaniilluni.

Aamma atuaruk Trailer: Meeqqat Ikiortigit / Red barnet - Landsindsamling 2015