49,4 millionit silaannarmut igiinnarneqartarput
Tamannalu pillugu Inatsisartuni ilaasortaq Kattusseqatiinneersoq Knud Fleischer Nalakkersuisumut Jens. B Frederksenimut apeqquteqarpoq silaannaq kissartoq inuiaqatigiinnut iluaqutaasumik atorluarneqarsinnaamat tamutani periarfissaqarnersoq.
- Aap, silaannaq kissartoq atorluarneqarsinnaalluarpoq. Ullumikkummi silaannaq kissartoq atorneqarpoq, tamatumanilu atuinerput pitsaanerulersisinnaavarput. Qanorli iluarnaarutaalluni atorluarneqarsinnaatiginera oqaatigiuminaappoq. Silaannarmik kissartumik atorluaanersulissagaanni aningasartuutissat allallu attuumassuteqartut eqqarsaatigilluartariaqarput, apeqqutaassaarlu aamma silaannaq kissartoq inuiaqatigiinni iluaqutaalluni atorneqalissaguni aningaasatigut imminut akilersinnaanersoq, Naalakkersuisoq Jens B.Frederiksen oqaluttuarpoq.
Knud Fleischer apeqquteqarnermini ilanngullugu aamma apeqqutigaa Naalakkersuisut tamatumani atorluuanerunissamik isiginiagaqarnersut.
-Silaannarmik kissartumik atorluaanerusinnaaneq Naalakkersuisunit isiginiarparput. Tamatumanilu Nukissiorfiit fjernvarmeneteqalersinnaanissaannut suleqatigineqarput. Taamaalilluni oliemik atuiffiunngitsumik kiassarnermik atuisoqalersinnaagaluarpoq. Periarfissat taamaattut kommunit suleqatiginerani aamma anguneqarluarsinnaagaluarput. Tamatumali saniatigut illoqarfiit erngup nukinganik nikissiuutillit aamma isiginiarneqarput, Jens B. Frederiksen akissummini ilaatigut taama aallappoq.
