Amerikamiut sakkutuui Ukrainemut sungiusaajartortut
Amerikamiut sakkutuuisa ukiup affaani ukrainep sakkutuui immikkooqatigiit pingasut sungiusassavaat, amerikamiut sakkutuui nalunaarput.
Sakkutuut ornigunneri Ruslandimut nuanninngilaq qinngasaarinertullu isigineqassalluni, russimmi oqartussaasuisa USA pisuutittarpaat akerliussutsimik takutitsinernik tapersersuinerarlugit. Ukrainep præsidentia russinik illersuisoq siorna akerliussutsimik takutitsisoqarnerata kingorna nunamiit qimaasariaqarsimavoq.
Killormoortuaniit Kitaamiut Rusland pisuutippaat Ukrainemi eqqissiviilliornernik ingerlatitsiinarusuttutut, Ukrainip kangiani russinik illersuisunik sakkulersuisutut.
Ruslandilli tamakku eqqunnginnerarpaat, Ukrainemilu sakkutooqannginnerarlutik, naak tamanna ersarikkaluaqisoq.
Februaarimi sakkulersorunnaarneqaraluartoq immikkoorniat ukrainemiullu akornanni suli sorsuuttoqartarpoq.
Eqqissiviilliornerit maannamut inuit 6000-inik amerlanerusut inuunerinik akeqarsimasoq FN naliliivoq.