2016 ukiuni uuttortaaffiusimasuni kiannerpaasoq

Silap pissusia pillugu Marrakeshimi Marokkomiittumi maanna ataatsimeersuarnermi silasiornermut tunngasunik suliaqartartut nunarsuaq tamakkerlugu kattuffiat, WMO, nalunaarusiamik taama saqqummiummiussipput.

Aamma atuaruk Aasaanerani kiannerpaaffiusoq nillernerpaaffiusorlu qaangerneqartut

Kiannerata saniatigut kiarujussuarnerit, ulussaarsuit qarsutsinerillu pisarnermit sakkortunerullutillu takkutikulanerupput.

- Ukiuni kiannerpaaffinnit 17-init 16-it ukiuni untritilinni atukkatsinni uuttorneqarput, WMO-p allattaaanera, professor Petteri Daalas oqarpoq. 

Nunarsuup kianneruleriartornera Issittumut malunnaateqarneruvoq.

Ruslandip issittortaani 2016-mi nalinginnaasumit 6-7 gradimik kianneruvoq, Alaskap Canadallu avannarpasissortaani 3 gradimik kiannerusoq. Taava aamma Nunatta avannarpasinnersaani nalinginnaasumit 10-imik kiannerusoq, DMI-p nalunaarutiginikuuaa.

Aamma atuaruk Issittup imaata kiannerunera pissutigalugu sikuniaasaassasoq

Kuwaitimi juulip qaammataani 54 gradinik kialluni aatsaat taama kiatsigaaq, Indiamilu kiassuseq 51 gradimut uuttorneqarpoq.

Nunarsuup ukioq manna kiarujussuarnera ukiup aallartinnerani kiattup anorersuanit El Niñomit sunnerneqarpoq. El Niñoli qaangiutereeraluartoq suli kiattoq, WMO-p nalunaarutigaa.

- Allanngoriartornerit siulittuisinnaanermit sukkanerupput, WMO-p silap pissusianut siulittuisarfiani pisortaq Dr. Maxx Dilley oqarpoq.

- Angumeqqunniaannavippugut. 1,2 gradinik kiannerulerneratigut nunarsuup 1,2-5 gradinik kiannerulernissaani pinaveersimatitsinniarluni 
Parisimi isumaqatigiissummi aalajangiunneqartut pallipparput, Dr. Maxx Dilley oqarpoq.

Aamma atuaruk Qalasersuarmi 10 gradinik kiannerusoq

Naalagaaffiit Peqatigiit naapertorlugit ukioq kingulleq silap pissusianit sakkortuumit inuit 15 millionit angerlarsimaffimminnit qimaapput.
/ritzau/