Uumasunik paarsisoq allarsuarmit toqutaasoq

Svenskeq inuusuttoq uummasuusivimmi Orsa Rovdjursparkimi uumasunik paarsisoq allarsuarmik saassunneqareernerminit toquvoq.

Angut 19-inik ukiulik saassunneqarnerminit ikilerneqarujussuarami qulimiguulimmik napparsimaviliaanneqarpoq. Akunnerilli pingasut qaangiuttut toqusimasoq SVT Nyheter Dalarna allappoq.

Allarsuaq saassussisoq toqunneqarpoq.

Uummasuusivimmut pulaartut paarseqataasinnaanerannik aaqqissuussisoqarnerani saassussineq pivoq. Ilaqutariit allarsuaq nerisinniarlugu inaanut isersimaneranni allarsuup uumasunik paarsisoq saasuteriataarsimagaa uumasuusivimmi Orsa Rovdjursparkimi sulisoq Anders Blomquist nutaarsiassaqartitsivimmut IT-mut oqarpoq.

Ilaqutariit allarsuup inaaneeqataasut ajoquserneqanngillat.

Ajutoorneq qanoq ililluni pinersoq uumasuusiviimmi maanna paasiniarneqaleruttorpoq.

Politiit pisoq sulinermi ajutoornertut nalilerpaat.