Assi: KNR

163 million koruunit siunnersuisartunut atorneqarput

Namminersorlutik Oqartussani avataaniit siunnersuisartunut 2014-mi 163 millon koruunit atorneqarsimapput. Taakkulu ukiup siulianiit 40 million koruuninik ikinnerullutik.

Partii naleraq sinnerlugu inatsisartuni ilaasortap Anthon Frederiksenip marloriarluni apeqqutigaa, sooq siunnersuisartunut aningaasanik atuisarnersugut, aammalu aningaasat atorneqartut sooq annikillisimanersut. 
Akissummi erserpoq, aningaasat 2013-mi atorneqartut kukkusumik allanneqarsimaneri peqqutaallutik ikinnerusutut maanna allaqqalertut, naak aningaasartuutit taakkuuinnaagaluartut.

Aamma atuarukPartii Naleqqap siunnersuutaa Naalakkersuisut itigartitssutigaat

Frederiksenittaaq paaserusuppaa tarnip pissusaanik ilisimasalinnut aningaasat qanoq atorneqartarnersut.  Aningaasat atorneqartut tarnip pissusaanik ilisimasalinnut, peqqinnissaqarfimmullu atorneqartartut akissutimi allaqqavoq. 
Anthon Frederiksenilli paaserusutai taakkuinnaanngillat. Sakkutuujusimasoq, ullumilu coacheq B. S Christiansen naalakkersuisunut tikeraarnera qanoq akeqarsimanersoq aamma paaserusuppaa. 

Aamma atuaruk VIDEO Naleraq: Allaanngiivippoq ujaqqamut oqalulluni

B. S Chritiansen naalakkersuisut ineriartortinnissaanik siunnersuiniarluni tikisinneqarsimasoq akissummi allaqqavoq. 
Siunnersuinerali annertuumik aningaasartuutaasimanngilaq, tassa tikisinnera aningaasartuutit tamaasa ilanngullugit 14.000 koruuniinarmik akeqarmat. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat