150.000 koruunit Meeqqat Inuunerissunut

Piumassutsimik ingerlanneqarluni peqatigiiffimmut Meeqqat Inuunerissut-imut, Tele-Post 150.000 koruuninik tunisivoq. Aningaasat frimærkimut tapiliussatut tunisanit sinneqartoorutaapput.

Allattoq Paarnaq Hansen

oktobarip 26-at 2015 15:59

Frimærki 2013-imi saqqummerpoq, eqqumiitsuliortumit Nikolaj Andersen Olsvigimit suliarineqartoq, ukiuni marlunni nioqqutaavoq.
- Peqatigiiffik MIBB meeqqat pisinnaatitaaffiinik annertoqisumik suliaqarpoq, 2013-imilu frimærkip nalinganut tapiliussamit sinneqartoorutinik tigusisussaviulluni, Allan Pertti Frandsen frimærkimut pisortaq oqarpoq.

Aamma atuaruk Meeqqat Inuunerissut suliniutaat naammassivoq

MIBB-i aningaasat suliniummut nutaamut aallartisarnissamut atorniarpaat.
- Frimærkip tunisaaneranit sinneqartoorutinik Tele-Post-ip uatsinnut tunissuteqarnera ikiorsiinerujussuuvoq kajumissaaterujussuullunilu. Suliarujussuatta ’Kuseriarnerup siaruarneratut’-p maannakkut naammassisimalernerani suliassatta tullianik aallartitsinialerpugut tapiissutissanillu qinnuteqaqattaalerluta. Tele-Post-ip tunissutai arlalinnik periarfissiipput pisinnaanngisaraluatsinnik,Katrine H. Nathanielsen MIBB-imut siulittaasoq oqarpoq.

Aamma atuaruk VIDEO Atornerluisoqartarnerata oqaluuserinissaa inuiaqatigiinni inukitsuni ajornakusoortoq