VIDEO Atornerluisoqartarnerata oqaluuserinissaa inuiaqatigiinni inukitsuni ajornakusoortoq
![](/sites/default/files/styles/image_934x467/public/oembed_thumbnails/2022-12/7KoceOj9hXub8h2RBu6C_YeDX9P--XZSkZZOIJ9CFvE.jpg?itok=Xeff5bl6)
Allattoq Walter Turnowsky
Kinguaassiuutitigut atornerluisoqarneranik pasitsaassaqartoqartillugu tamakkununnga tunngatillugu suliaqartut arlallit qanorpiaq iliuuseqassanerlutik nalornisigisarpaat. Suliniaqatigiiffimmit Meeqqat Inuunerissuneersut (MIBB) Nunatsinni angalasarnerminni tamanna maluginiarsimavaat.
- Oqaluuserinissaa ajornakusoortupilussuusoq ilisimavarput, Jette Eistrup, MIBB-p allattoqarfiani pisortaq taama oqarpoq.
Taanna isumaqarpoq aqutsisuusut sinaakkutissanik pilersitsisariaqartut kinguaassiuutitigut atornerluisarnerup oqaluuserineqarnissaanut ajornannginnerulersitsisussanik.