Kuannersuit 100 millionit akileraarutitigut isertitassat

Kuannersuarni piiaavissamiit akileraarutitigut akitsuutitigullu isertikkumaakkat qassiujumaarnerat naatsorsussallugu suli siusippoq, kisianni suliniutip inuiaqatigiinnut sunniutigiumaagai pillugit nalunaarusiaagallartumi kommunip karsiata nunattalu karsiata piiaavimmi sulisuulerumaarsinnaasorpassuarnit akileraarutitigut isertissinnaasaat missingerneqarput.

Aatsitasssamik kujataani piiaasoqalissagaluarpat nunatta karsia isertitassarpassuaqarpoq. qassiussappalli? Kuannersuarni piiaaviliorniarnermik suliniuk akuerissanerlugu naaggaassanerluguluunniit nalilersuinermi taama aperisoqarsinnaavoq.

- Inuit akileraarutaannik isertitassaqarpoq, assigiinngitsunik akitsuuteqarluni taavalu   piginneqatigiiffinnut akileraaruteqarluni. Taavalu aamma atuisoqartussaassammat, allanit aamma isertitassaqassaaq, Inuiaqatigiit pillugit Ilisimatusarfimmi ilisimatooq Birger Poppel taama oqarpoq.

AAMMA ATUARUK Ajornartorsiutaasut VVM-imi qarsupinneqarput

Isertitaajumaartussat allat taasai tassaapput sullissinermik suliaqartut, soorlu pisiniarfinni, neriniartarfinni, nujaleriffinni allanilu inuit pisariaqartitaannik suliaqartut suliqarnerulernerisigut isertitaqarnerulissutit.

Sulisut nunani allaneersut 35 procentimik akileraarnissaannik isumaqatigiissut Kommune Kujallermilu naliginnaasumik akileraarut 44 procentiusoq inuiaqatigiinnut sunniutaasinnaasut pillugit nalunaarusiaagallartumi allaaserineqarpoq.

Piiaaneq aallartippat sulisut 715-iusssangatinneqarput, taakkunanngalu ukiumut 100 milliuunit koruunit akileraarutitigut isertineqartalissangatinneqarlutik, nunatta karsiata kommunillu agguagassaat.
Kommunimullu isertitaqaatalluassasoq, Birger Poppel oqaluttuarpoq.

- Ingerlatsinerup nalaani ukiumut 20 millionit missaat kommunimut tuttassapput. Taakku isertitat 10 procentimik siuariarnerata naligaat.

AAMMA ATUARUK Kuannersuit suliffippassuarnik pilersitsiffiunissaat Berthelsenip neriuutigaa

Piginneqatigiiffiup piiaasussap akileraarutissai aatsitassanillu piiaanermit akileraarutissat naatsorsoruminaannerulaarput. Tassami nunani tamalaani niuffannermi akit, akiulerumaartutut ilimagisat, tunisassiat qanoq akuleriinneri taavalu assartuussinermit akit apeqqutaapput.

- Suliffeqarfiulli aallartinnginnermini ataatsimoortumik missingersuusiussaaq, uanili naammassineqanngilaq, eqqoriarusunngilaralu, Birger Poppel  oqarpoq.

VSB-mik nalunaarusiaq uani atuarneqarsinnaavoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat