Qineqqusaarneq aallartippoq: Nunatta aningaasaqarnera pitsanngorsarusupparput

Nunatta aningaasaqarnera pitsanngorsassaaq. Tamanna Demokraatit, Partii Inuit Partii Naleqqallu anguniarniarlugu qineqqusaarutigaat.

 

Inatsisartunut qinersinissaq novembarip ulluisa 28-anni pisussaasoq ippassaq nalunaarutigineqarpoq. Partiit qinigassanngortitassatik qineqqusaarutigineqartussallu piareersaleruttorpaat. 

 

Suliffeqarfiit akileraarutaasa appartinneqarnissaat demokraatit partiianni qineqqusaarutigineqassaaq. Suliffeqarfiit Namminersorlutik oqartussani pigineqartut  namminersortunit unammillerneqarnerat qineqqusaarnermi oqallisigineqartariaqartoq Partii Inuit isumaqarpoq. Nunaqavissut amerlanerusut tikisitallu ikinnerusut sulisorineqarnerisigut sipaartoqarsinnaasoq Partii Naleraq isumaqarpoq.

 

- Selskabsskatip apparnissaanut tunngasut, pisariaqarput suliffeqarfiit inerisarnissaminnut nukissaqarniassammata, akissaqalerniassammata. Taamaaliornikkut suliffiit pilersiortorneqarsinnaagamik, taamaalillunilu Nunatta karsia aamma aningaasanik pissammat, Demokraatit siulittaasuat Andreas Uldum taama oqarpoq.

 

Suliffeqarfiit Namminersorlutik Oqartussanit pigineqartut suliffeqarfinnut namminersortunut unammillertarnerat pissusissamisuunnginnera oqallisigineqartariaqartoq, Partii Inuit isumaqarput.

 

- Nunarput suliffeqarfiuteqarmat iluanaaruteqarfiusussamik aammalu taanna aallaavigalugu namminersortunut Nunatta suliffeqarfiutai sakkortoorujussuarmik unammillertuusarput. Taanna inuiannut ineriartortunut tulluutinngilaq. Taanna eqqartorneqartariaqarpoq pingaarutilimmik, Partii Inuit siulittaasuat Nikku Olsen taama oqarpoq.

 

Nunaqavissut amerlanerusut, tikisitallu ikinnerusut, sulisorineqarnerisigut sipaartoqarsinnaasoq, Partii Naleqqap siulittaasua Hans Enoksen isumaqarpoq.

 

- Minnerunngitsumillu aamma maani kalaallit sulisinnaasut atornerisigut, tikisitat taava ikinnerulersinnerisigut, aningaasarpassuit pissarsiarineqarsinnaapput. Nammineerluta maani inuppassuit suliarisinnaasaat, sanaartornermut tunngasut qiviarutsigit, amerlasoorujussuit sanaartornermik suliallit suliffissaqanngillat.

 

Allaffeqarfinni sulisut pikkorissartinneqarnerisigut nunaqavissut amerlanerusut sulisorineqarsinnaasut Partii Naleraq isumaqarpoq.

 

Partiit pingasut KNR-imit oqaloqatigineqartut kissaatigaat, Naalakkersuisut siulittaasorisimasaata Aleqa Hammondip naalakkersuisuusimasullu Nunatta karsianit atuisimanerannik Inatsisartut kukkunersuinermut ataatsimiititaliaq misissuissasoq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt